Zɔɔrdaanii
Zɔɔrdaanii kɛna Azii ilemiye nɛ wɩsɩ ɖɩɖʊyɛ taa ɛjaɖɛ naɖɩyɛ. Ɛjaɖɛ ɖɩnɛ nɛ naayɛ pasɩna ɖama kamaɣ nɛ ajɛya ana yɔ: hayʊ kiŋ lɛ Siirii nɛ Akaba pɔɔ wɛna kamaɣ yɔɔ, wɩsɩ ɖɩɖʊyɛ taa lɛ Palɛstinii, Israɛlɩ, Yɔrdaŋ pɔɔ nɛ Tengu Kɩsɩbʋʋ, nɛ hadɛ kiŋ lɛ Araabii Sawuditi.
Tʊkaɣ nakayɩ wɛ ɛjaɖɛ ɖɩnɛ nɛ pɔɔ nakayɩ ŋɛ ŋga payaɣ se Yɔrdaŋ. Yɔrdaŋ kɛŋna pɔɔ ŋga ka-taa Fransɩɩ ɛjaɖɛ taa ɛyaa wokaɣ polu lɩm nɛ pɔsɔʊ pɩya ajama yɔ yaa palakɩ kɩwɛɛkɩm kpeɣyu sɔnzɩ yɔ. Pɔɔ ŋga ka-taa ɖɔɖɔ kɛ Yahanɛsɩ lɩm sɔyʊ kaasɔ Yeesu Krɩstʊ lɩm. Mbʊ yebina nɛ lɩm mbʊ pɩpɩsɩ lɩm kiɖeɖem. Pɔtɔkɩ peeɖe tɛ kazandʊ paa lɛlaɣ fenaɣ ŋga lɛ kɛtɛ kɩyakʊ 13.
Pamaza Zɔɔrdaanii ɛjaɖɛ ɖɩnɛ ɖɩ-walanzɩ lɛ, panaa se ɖɩ-walanzɩ talɩ 89 342 km2 nɛ ɖenɖe lɩm wɛɛ yɔ, peeɖe takɩlɩ ɖɔʊ nɛ pɩmaɣna ɛzɩ 0,8 % yɔ. Ɖooo pɩnaɣ 2015 taa pakalɩ kɩgalʊʊ kɛ ɛjaɖɛ ɖɩnɛ ɖɩ-taa lɛ pana ɛyaa ɛzɩ 9 531 712 yɔ. Ɛjaɖɛ ɖɩnɛ ɖɩ-taa yee pakalɩɣ ɛyaa km2 taa kɔyɔ, panaɣ-wɛ ɛzɩ 107 yɔ. Agoza fenaɣ 25 pɩnaɣ 1946 kɛ ɛjaɖɛ ɖɩnɛ ɖɩmʊ ɖɩ-tɩ yɔɔ wɛʊ. Payaɣ Zɔɔrdaanii kewiyaɣ ñʊʊdʊ kɩfalʊ se Abdalla II nɛ komina ñʊʊdʊ yɔ Hani al-Mulki.
Kʊnʊŋ ŋgʊ pakɩlʊʊ yɔɔdʊʊ ɛjaɖɛ ɖɩnɛ ɖɩ-tɛ komina tʊma taa nɛ pawɩlʊʊ-kʊ sukulinaa taa ɖɔɖɔ yɔ, ŋgʊ lɛ araabʊ ɛlɛ aŋgilisi ñɛkɛna kʊènʊŋ ŋgʊ paanɩ ɛkɩlɩɣ yɔɔdʊ sukulinaa taa nɛ aseela tʊma taa yɔ. Ɛjaɖɛ ɖɩnɛ ɖɩ-taa tɛtʊ sɔsɔtʊ payaɣ se Amaanɩ nɛ ndʊ tɩkɩla walanzɩ ɖɔɖɔ. Yee ɛyʊ ɛsɔɔlaa se ɛyaa nɔɔyʊ kɛ kaŋgalafu yɔɔ ɛjaɖɛ ɖɩnɛ ɖɩ-taa kɔyɔ, pɩkɛna-ɩ kɩjɛyʊʊ se ɛma +962 ɛ-tɛ kaŋgalafu kpata yɔɔ pʊcɔ ŋɛ ɛɛma pɩtɛ ɛyʊʊ kaŋgalafu nimaɣ mayaɣ. Liidiye nɖɩ pɔtɔkɩ-ɖɩ peeɖe yɔ payaɣ-ɖɩ se tiinaarɩ zɔɔrdaanɩyɛ.
