Kalaharii kañɩmbʊsaɣ

Pɩlɩɩna Wikipediya
Sauter à la navigation Sauter à la recherche
Kalahari Desert and Kalahari Basin map

Kalaharii kañɩmbʊsaɣ kɛna Afrika ilemiye taa hɔɔlʊʊ sɔsɔʊ nakʊyʊ. Kalaharii tɔbʊʊ nɛ cɩwanaa taa se: lɔkɔtʊ sɔsɔtʊ yaa ɖenɖe lɩm fɛyɩ kaʊ yɔ. Kañɩmbʊsaɣ kanɛ kɛwɛ Sambɛɛzɩ nɛ Ɔranzɩ pɔsɩ cɔlɔ. Kalaharii kpaɣna ɛzɩ Pɔcɩwanaa yɔ nɛ kawadʊʊ Namibii, Aŋgolaa, Sambii, Simbabwee, Kɔŋgo Kinsasa pʊkɔɔ pɩtalɩ Afrika hadɛ kiŋ ɛjaɖɛ.

Kalahari desert, Kalahari, Northern Cape, South Africa (19918362533)

Pamaɣza kañɩmbʊsaɣ kanɛ ka-walanzɩ ɛlɛ pɩtalʊʊ ɛzɩ 900 000 km2 yɔ. Keteŋga kpeekpe yɔɔ lɛ kañɩmbʊsaɣ kanɛ ka-taa kɛ wɩlɩŋ nɛ kanɩŋga kɩlɩ wɛʊ nɛ pɛtalʊʊ ɛzɩ miliyɔɔnaa naalɛ nɛ hɔɔlʊʊ mbʊ yɔ. Patɩɩ yaʊ Kalaharii se kañɩmbʊsaɣ yɔ pʊkazɩ talʊʊ pazɩ. Teevenim taa lɛ tɛŋ takilɩ hɔɔlɩŋ ɩnʊ ʊ-taa ɛlɛ tɩŋ nɛ laŋ ɖɔɔ.

Farm within Kalahari Desert (Namibia)

Kpaɣna hadɛ nɛ pɩɖɛɣna wɩsɩ ɖɩɖʊyɛ mbʊ yɔ wɩlɩŋ talʊʊ ɛzɩ 600 000 km2 yɔ. Hayʊ kiŋ nɛ wɩsɩ ɖɩlɩyɛ taa lɛ laŋ weyi ɛwɛ peeɖe yɔ ɛca wɩlʊ ɛtɩŋga nɛ tɩŋ weyɩ pakɩlʊ-ɩ naʊ yɔ ɩnʊ lɛ rodezii tamtʊnanaa mba payaɣ-wɛ se akasiyanaa yɔ. Panaɣ ɖɔɖɔ laŋ weyi ɩ-tɛɛ hasɩ kpɩlɩŋgbɩlɩ yɔ nɛ pamaza ɩ-walanzɩ kɔyɔ, pɩtalʊʊ ɛzɩ 300 000 km2yɔ.