Grand Kallé

Joseph Athanase Kabasele Tshamala na wɩsɩ kɛ saŋgayɩŋ fenaɣ kɩyakʊ 16 wiye pɩnaɣ 1930 kɛ Matadi tɛtʊ taa, Koŋgo ɛjaɖɛ taa nɛ ɛsɩ lɛlaɣ fenaɣ kɩyakʊ 11 wiye pɩnaɣ 1983 kɛ Paarii tɛtʊ, Fransɩ ɛjaɖɛ taa ɛɛwɛna pɩnzɩ 53. Pepema-ɩ Kombe naŋ yɔɔ kɛ Kinsasa tɛtʊ taa. Ɛ-hɩɖɛ nɖɩ pakɩla-ɩ sɩmnaʊ yɔ, nɖɩ lɛ Le Grand Kallé.

Ɛkɛna Koŋgo ɛjaɖɛ taa weyi pakpaɣ ɛzɩ etu wendu kɩfatʊ yɔ. Hendu aŋgba wena a-taa Joseph Athanase Kabasele Tshamala wɩlɩ ɛ-calɩm taa camɩyɛ yɔ, a-taa kɔyɔ: rumba africaine nɛ cha-cha-cha, Grand Kallé nɛ African Jazz. Hendu teya sɔsaa nabɩyɛ kaawɛ African Jazz taa pa-taa kɔyɔ Pepe Kalle, Tabu Ley Rochereau nɛ Caama taa tʊ weyi payaɣ se Manu Dibango yɔ.

Pɩnaɣ 1960 taa kɛ Grand Kallé luba ɛmaɣmaɣ e-hendu teu kɩfatʊ nɛ payɛ kɩfaɖɛ naɖɩyɛ. Lɛɣzʊʊ kɩfam pʊnɛ pɩzɩna Franco Luambo tɛ ŋgbɛyɛ nɖɩ payaɣ se TP OK Jazz yɔ. Mbʊ yebina nɛ palɩzɩɣʊ hendu teu kanahaŋ kɩlɛmɩŋ camɩyɛ nɛ pɩsaŋ pɛpɛdɩɣ tuuɖe ajɛya taa.