Rɛɛ pɔɔ

Pɩlɩɩna Wikipediya
Flusssystemkarte Rhein 03

Rɩn lɩm pɔɔ kɛ Erɔpʊ Hɛkʊ taa nɛ Wɩsɩ ɖɩɖʊyɛ taa pɔɔ sɔsɔ. Rɩn pɔɔ ŋga kaɖalakɩŋ maɣna kilomɛtaa waa 1233. Pɔɔ ŋga kɛkɛna siyepɔɖɛ Erɔpʊ Rhénane taa, hɔɔlʊʊ ɖoŋ ñɩŋgʊ Erɔpʊ taa nɛ kɩ-kɛ loone ɖoŋ ñɩŋɖɛ lɛɛɖɛ kedeŋga kpeekpe taa.

Rɛɛ Kañɔɔ

Rɩn tɛ fɛʊʊ kitibuu valanzɩ maɣna kilomɛta 198000 kpɛɛɣ ko, nɛ kɩ-kɛ Suwiisi hɔɔlʊʊ sɔsɔʊ nɛ Otirisi hɔɔlʊʊ nakʊyʊ nɛ Liechtenstein maɣma mbilim nɛ Cama hɔɔlɩŋ sɔsɔŋ nɩyɛ nɛ Peeyibaa nɛ Fransɩɩ hɔɔlʊʊ nɛ Pɛlɩzɩkɩ nɛ Lukizambuuri hɔɔlʊʊ sɔsɔʊ nakʊyʊ nɛ Italii hɔɔlʊʊ cɩkpeluu nakʊyʊ. Pɩkɛ lɩm pɔɔ sɔsɔɔ ŋga kɛgbɛndʊʊ teŋgʊ Hayi ŋgʊ taa yɔ nɛ kɛ-kɛ ɖɔɖɔ lɩm pɔɔ ŋga kɔyɔ pakɩlɩ saʊ mɛlɛ naa yɔ kedeŋga kpeekpe yɔ.

Rɛɛ pɔɔ

Kahaɣ ka-hɩɖɛ Rhénanie, pɩkɛ Cama ɛjaɖɛ taa tɛtʊ natʊyʊ wɩsɩ ɖɩɖʊyɛ taa kɩŋ, pɩkɛ Lander naalɛ Cama. Rhénanie Hayi Westphalie (Nordrhein-Westfalen) nɛ Rhénanie Palatina (Rheinland- P%.falz) ɖɔɖɔ ɛzɩ Fransɩɩ ɛjaɖɛ hɔɔlɩŋ naalɛ Hayi Rɩn nɛ Haɖɛ Rɩn.

Rɛɛ pɔɔ Koblenz tɛtʋ taa

Rɩn fɛʊʊ kɛ kamaɣ (kpaɣ wɩsɩ ɖɩɖʊyɛ taa nɛ wacɩ taa ɛjɔŋ tɛ) Meuse fɛʊʊ nɛ Ems nɛ Weser nɛ Elbe patɩŋnɛ payɩ pɛkpɛndʊ Hayi teŋgʊ taa yaa Basalitiki teŋgʊ taa nɛ danuubɩ (teŋgʊ kɩkpɛdʊ) nɛ po nɛ Rhone (Meditɛranɛ teŋgʊ taa. Rɩn lɩm pɔɔ kpeŋ hɔɔlʊʊ kʊyʊmʊ taa hayi yɔ hayi yɔ wɩsɩ ɖɩɖʊyɛ taa nɛ ɛjaɖɛ ageeta taa wena afɛyi ɛzɩ Alɩpɩ nɛ Suwiisi pʊcɔ alɩpɩ suwiisi pʊɣʊ yɔ nɛ Rhénan lɔʊʊ nɛ Rɩn cɩkpeluu kɛtɛŋga.

Rɛɛ pɔɔ Cologne tɛtʋ taa

Kɛ-tɛ fɛɛʊ wala kɩtalɩ Fransɩɩ ɛjaɖɛ taa (hɔɔlʊʊ nakʊyʊ ɛzɩ Alsace-Champagne-Ardenne-Lorraine) pɩñɔtɩna Lukizambuuri tɩŋga nɛ Pɛlɛzɩkɩ nɛ Italii hɔɔlɩŋ cɩkpeŋ yɔ. Pɔɔ ŋga kɛtɛzʊʊ ajɛyɛ anɛ Suwiisi nɛ Otirisi nɛ Cama nɛ Peeyiba. Kapɩsɩ kamaɣ nɛ Suwiisi nɛ Liechtenstein nɛ Otirisi nɛ Cama. Kɛ-kɛ ɖɔɖɔ kamaɣ nɛ Cama nɛ Fransɩ.