Papa François

Pɩlɩɩna Wikipediya
Papa François
[[File:|190px]]
Informa
Ɛ-ɛjaɖɛ Arzantiini
Ɛ-tʋmɩyɛ
Ɛ-ɖɩlʋlɩyɛ Puyenezɛrɩ, Arzantiini
E-efemiye kɩlʋlɩyɛ Saŋayɩŋ fenaɣ kɩyakʋ 17 n̄ɩŋʋ wiye, pɩnaɣ 1936
Ɛ-ɖɩsɩbɩyɛ
E-efemiye kɩsɩbɩyɛ
Papa François

Payaɣ Papa François ɖɔɖɔ se, Jorge Mario Bergoglio. Palʋla-ɩ saŋayɩŋ fenaɣ taa kɩyakʋ hiu nɛ lʋbɛ (17) ñɩŋgʋ wiye, pɩnaɣ 1936 taa Puyenezɛrɩ tɛtʋ taa Arzantiini ɛjaɖɛ taa. Ɛkɛ kedeŋga kpeekpe Katolika Ƞgbɛyɛ nɔɔyɔɔdʋ, pʋ-tɔbʋʋ se ɛnʋ ɖiyiɣna kedeŋga kpeekpe Katolika Ƞgbɛyɛ. Lakɩŋ fenaɣ kɩyakʋ hiu nɛ naadozo (13) n̄ɩŋgʋ wiye, pɩnaɣ 2013 taa, palɩza-ɩ nɛ ɛpɩsɩ Papa 266 ñɩnʋ. Ɛkɛkɛ Episikɔɔpʋ'ʋ Puyenezɛrɩ tɛtʋ taa.

Papa François, St Joseph Kangemi, Keniya

Ɛkɛkɛ ŋgbɛyɛ nɖɩ payaɣ se "Compagnie de Jésus" yɔ ɖɩ-taadʋ nɔɔyʋ nɛ ɛnʋ'ʋ lɛ kajalaɣdʋ weyi ɛpɩsɩ Papa ŋgbɛyɛ nɖɩ ɖɩ-taa yɔ. Ɛkɛ ɖɔɖɔ kajalaɣ Amerika tɛtʋ taa tʋ weyi ɛpɩsɩ Papa yɔ. Ɛkɛ ɖɔɖɔ kajalaɣ Papa weyi ɛsɛ hɩɖɛ se François yɔ. Ɛsɛ-ɖɩ se ɛtɔzɩna François d'Assise yɔɔ. Ɛsɛ-ɖɩ, mbʋ pʋyɔɔ yɔ, ɛsɔɔlaa se ɛcaɣ wezuu ɛzɩ François kiɖeɖeu ɛnʋ yɔ. Ɛlɛ taasɔɔlɩ se ɛtɔɔ leleŋ leleŋ ɛzɩ ñɩmdɩnaa yɔ. Ɛtɔsɔɔlɩ ɖɔɖɔ ɛ-tɩ kpazʋʋ. Ɛsɔɔla mbʋ pɩ-tɩŋga payɩ Ɛsɔ lɩzaa yɔ nɛ sɔɔlɩm sɔsɔm. Papa François yɔɔdaa se ɛnʋ pɩzɩɣ ekizi kɛʋ Papa ɖɔɖɔ ɛzɩ weyi ɛlɛɣza-ɩ yɔ; ɛlɛ'ɛ lɛ Papa Bénoît XVI. Toovenum lɛ, Papa Bénoît 16 lɔ kʋlɔʋ ese nɛ pʋcɔ palɩzɩɣ Jorge Mario Bergoglio nɛ ɛlɛ pɩsɩ Papa.