Oreegonii

Pɩlɩɩna Wikipediya

Oreegonii kɛna Etaazunii ɛjaɖɛ taa tɛtʊ cikpetʊ natʊyʊ. Nɛ Etazuunii ɛjaɖɛ ɖɩnɛ ɖɩ-taa lɛ ajɛya cikpena naayɛ nɩɩnɩwa kpɛndɩna nɛ aɖʊ nɔɔ nɛ awɛɛ ɛjaɖɛ kʊɖʊmɖɩyɛ taa kpaɩ. Etaazunii tɔbʊʊ nɛ kabɩyɛ taa se ajɛya kɩkpɛndʊʊ.

Oreegonii ɛjaɖɛɖɩnɛ ɖɩwɛna Etaazunii ɛjaɖɛ nɛ ɖɩ-wɩsɩ ɖɩɖʊyɛ nɛ hayʊ kiŋ. Hayʊ kiŋ lɛ Waaziŋtonii ajɛya cikpena wɛna nɛ hadɛ kiŋ lɛ Kalifɔɔrnii ñɩnɖɛ piyele nɛ wɩsɩ ɖɩlɩyɛ nɛ hadɛ kiŋ lɛ Nevadaa wɛna kamaɣ yɔɔ. Wɩsɩ ɖɩlɩyɛ taa lɛ Idahoo tɛtʊ.

Pamaza Oreegonii ɛjaɖɛ cikpeɖe ɖɩnɛ ɖɩ-walanzɩ taa lɛ, panaa se ɖɩ-walanzɩ talɩ ɛzɩ 255 026 km2 nɛ ɖenɖe tɛtʊ ñabɩ wɛɛ yɔ, peeɖe pɩtalʊʊ ɛzɩ 248 849 km2 yɔ nɛ ɖenɖe lɩm ñɛwɛɛ yɔ, peeɖe ñɛwɛʊ ɛzɩ 6 177 km2 yɔ pʊtɔbʊʊ se pɩtalʊʊ ɛzɩ 2.42 yɔ kɛ mɩnɩʊ yɔɔ. Oreegonii taa tɛtʊ sɔsɔtʊ payaɣ se Salem nɛ tɩ-taa ɖɔɖɔ kɛ ɛyaa kɩla ɖɔʊ. nɛ ndʊ tɩ-taa ɛyaa kɩla ɖɔʊ yɔ ndʊ lɛ Portland.

Ɛjaɖ ɖɩnɛ ɖɩkɛŋna 27 ñɩnɖɛ ɛyaa ɖɔʊ taa kɛ Etazuunii ajɛya kɩkpɛndʊʊ kpeekpe taa. Ɛjaɖɛ ɖɩnɛ nɖɩ kɛŋna ɛjaɖɛ 33 ñɩnɖɛ nɖɩ ɖɩsʊ Etaazunii ajɛya kɩkpɛndʊɣ ŋgbɛyɛ taa yɔ. Ɛlɛ pɩɩkɛ lɛlaɣ fenaɣ kɩyakʊ 14 ŋgʊ wiye pɩnaɣ 1859. Pɩnaɣ 2010 taa paakalɩ kɩgalʊʊ kɛ ɛjaɖɛ ɖɩnɛ ɖɩ-taa lɛ paana ɛyaa ɛzɩ 3 831 074 yɔ.

Payaɣ Oreegɔnii ɛjaɖɛ cikpeɖe ɖɩnɛ ɖɩ-ñʊʊdʊ se Kate Brown (D) piyele nɛ komina ñʊndinaa kɔyɔ: Ron Wyden (D) nɛ Jeff Merkley (D).

Kʊnʊŋ ŋgʊ pakɩlʊʊ yɔɔdʊʊ ɛjaɖɛ ɖɩnɛ ɖɩ-tɛ komina tʊma taa nɛ pawɩlʊʊ-kʊ sukulinaa taa ɖɔɖɔ yɔ, ŋgʊ lɛ yɔ Eŋgilisi. Ɛlɛ siŋŋŋ taa lɛ, komina maɣmaɣ tatɩɩ hada nɔɔ camɩyɛ se aŋgilisi kɛŋna kɩ-kʊnʊŋ.