Jimi Hendrix
.jpg)
Palʊla James Marshall Hendrix kɛ kamɩŋ fenaɣ kɩyakʊ 27 wiye pɩnaɣ 1942 kɛ Setli tɛtʊ taa, Etazunii taa nɛ ɛsɩ salaŋ fenaɣ kɩyakʊ 18 pɩnaɣ 1970 kɛ Lɔndrɩ tɛtʊ, Aŋgletɛrɩ ɛjaɖɛ taa. Hɩɖɛ nɖɩ pakɩlɩna-ɩ sɩm yɔ lɛ Jimi Hendrix nɛ ɛ-hɩɖɛ sɔsɔyɛ kɔyɔ Johnny Allen Hendrix. Ɛkɛ Amerika taa hendu teyu sɔsɔ nɔɔyʊ, ɛkɛ ɖɔɖɔ citarɩ maɖʊ, kpalahuwa lʊyʊ, wendu luɖu yaa tɩ-mayʊ. Ɛnʊ tʊlɩna hendu teu kɩkaʊ nakʊyʊ nɛ payaa-kʊ se Jimi Hendrix lɔnzɩnɖɛ. Etetee hendu pɩnzɩ sakɩyɛ, pɩnzɩ naanza yeke ete-tʊ, (1966-1970) ɛlɛ ɛwɛ pɩnzɩ mɩnɩŋ nɛɛlɛ taa mba paklila sɩm kitaarɩ ŋgʊ pamakɩna ladriki yɔ nɛ hendu teya sɔsɔɣa taa.
Ɛkɛ lɩmɩyɛ-tʊ ɛlɛ ɛmakɩ nesi kɩpanzɩ citarɩ camɩyɛ yaa ɛkɩzɩ ki-nimasi nɛ nɩmɩyɛ yɔɔ nɛ pʊcɔ ɛma. Ɛwɛna taabalaa nabayɩ nɛ ɛna-wɛ petewaɣ nɛ hendu nɛ pasɩ paɖama yɔɔ; mba yɔ: Janis Joplin, Jim Morrison nɛ Brian Jones. Johnny Allen Hendrix kɛ Afrika nɛ Amerika pɛ-hɛkʊ taa ɛyʊ. Payaɣ ɛ-caa sɛ James Allen Hendrix nɛ palaʊla-ɩ mɩsɩkʊm fenaɣ kɩyakʊ hiu wiye pɩnaɣ 1919 kɛ Kanadaa ɛjaɖɛ taa ɛsɩ ɖomaɣ fenaɣ 27 wiye pɩnaɣ 2002. Payaa e-ɖoo se Lucille Hendrix, palʊlɩ-ɩ aloma fenaɣ 12 pɩnaɣ 1925 nɛ ɛsɩ lɛlaɣ fenaɣ kɩyakʊ naalɛ wiye pɩnaɣ 1958.
Ɛ-cɔzɔnaa kɔyɔ: e-ɖoo caa kɔyɔ Zenora Rose Moore nɛ palʊla-ɩ kamɩŋ fenaɣ kɩyakʊ 19 pɩnaɣ 1883 kɛ Zɔɔrzii tɛtʊ taa nɛ ɛlɛ caa kɔyɔ Robert Moore. Payaɣ ɛ-caa caa se Bertran Philander Ross Hendrix nɛ palʊlɩ-ɩpɩnaɣ 1866. Ɛ-cɔzɔ ɛnɛ e-ɖoo, Fanny, kaakɛ ɛyʊ kɩkpɛdʊ nɛ ɛwalɩ tadɩyɛ laɖʊ kʊʊlʊm nɔɔyʊ nɛ pɛwɛɛ Urbana. Pɩlɩɩna ɛzɩma cɔzɔnaa lɩna ajɛya ndɩ ndɩ lɛ Ross Hendricks kʊyɩ egeetiye nɖɩ ɖɩ-taa paalʊla-ɩ yɔ pɩnaɣ 1896 nɛ ewolo ɛcaɣ Sikaagoo nɛ ɛlɛɣzɩ ɛ-hɩɖɛ, Hendricks nɛ Hendrix. Ross nɛ Nora kaakɛna weyi ɛɛsɔɔla tanaʊlɑbʊ nɛ ɛcɔʊ ɛtaŋ yɔ nɛ palɩɩ ɖama yɔɔ kɛ Pɔɔrtlandii nɛ Sɛtlɩ pɛ-hɛkʊ taa nɛ pɩla pakpaɣ ɖama 1912.
Fenasɩ cabɩ wayɩ kɛ powoba Kanada ɛjaɖɛ taa nɛ palʊlɩ pe-piya 5 nɛ pa-taa lɛ halɩpɩɣa kʊɖʊmaɣ nɛ abalɩpɩya naanza. Pɩya nzɩ sɩ-taa kɔyɔ Jimi Caa, James Allen Hendrix. Kamɩŋ fenaɣ 28 wiye pɩnaɣ 1922 kɛ Ross et Nora Hendrix pɩsa Kanada ɛjaɖɛ taa tɛtʊ ɛyaa siŋŋŋ. Ross sɩba pɩnaɣ 1930 nɛ Nora Hendrix ñasɩ pɩnaɣ 1984, ɛɛwɛna pɩnzɩ 100.