Georges Bizet

Pɩlɩɩna Wikipediya
Georges Bizet
Georges Bizet.jpg
Informa
Ɛ-ɛjaɖɛ Fransɩɩ
Ɛ-tʋmɩyɛ hendu lɩzɩyʊ
Ɛ-ɖɩlʋlɩyɛ Paarii
E-efemiye kɩlʋlɩyɛ Aloma fenaɣ kɩyakʊ 25 pɩnaɣ 1838
Ɛ-ɖɩsɩbɩyɛ Bougivale (Seine-et-Oise)
E-efemiye kɩsɩbɩyɛ Mɩsɩkʋm fenaɣ kɩyakʊ 3 pɩnaɣ 1875
190px

Alexandre César Léopold Bizet, pakɩlɩ-ɩ sɩm nɛ Georges Bizet. Ɛyʊ ɛnʊ ɛkɛ Fransɩɩ ɛjaɖɛ taa hendu lɩzɩyʊ. Palʊla-ɩ aloma fenaɣ kɩyakʊ 25 pɩnaɣ 1838 Paarii tɛtʊ. Ɛsɩ mɩsɩkʋm fenaɣ kɩyakʊ 3 pɩnaɣ 1875 taa kɛ Bougivale (Seine-et-Oise). Ɛnʊ lɩzɩna Carmen hendu, opera naa taa kajalaɣ ñɩŋʊ ŋgʊ pakɩlaɣ teu yɔ.

Palʊla Bizet aloma fenaɣ kɩyakʊ 25 pɩnaɣ 1838 alɩwaatʊ taa kɛ Auvergne tɛ Tour habɩyɛ yɔɔ Paarii tɛtʊ (egeetiye kɩbɩnɖɛ naalɛ nɖɛ).

Georges Bizet - Rosabel Morrison - Carmen poster

Ɛ-caa, Adolphe Armand Bizet, kɔɔnaɣ taa lɛ, ɛɛkɛ hʊnɖʊ nɛ hulasi lʊyʊ, pɩsɩ ɛtɩ hendu kpɛlɛkɩyʊ pɩnaɣ 1837. E-ɖoo, Aimée Léopoldine Joséphine Delsarte, ɛkɛ piyaanoo maɖʊ, kpɛlɛkɩ-ɩ ñɩɣyʊ ŋgʊ kɩyɔɔ kajalaɣ laɣsɩ. E-egbele François Delsarte, ɛlɛ ñɛkɛ wilɩyʊ sɔsɔ hendu nɔmɔʊ taa, Gluck tʊ keeke, ɛkɛ niiye mʊyʊ Erɔpʊ kpeekpe taa.

Bizet - Carmen - Toreador Song (French, Musopen)

Paɖanɩ pɩɣa lɩm sɔʊ nɛ paya-kɛ se Georges Bizet lakɩŋ fenaɣ kɩyakʊ 16 pɩnaɣ 1840 taa kɛ Notre-Dame-de Lorette Paarii tɛtʊ taa. Ɛ-kpaŋgbamʊ abalɩ ñɩnʊ kɔyɔ Philippe Louis Brulley, Brunière tɛ ñɩnʊ. Halɩñɩnʊ kɔyɔ Hyppolite Sidonie Daspres. Georges caŋ ɛwɩlɩ kʊjɔŋ sakɩyɛ pɩlɩna miziiki hɔɔlʊʊ taa nɛ ɛtɩ sʊʊ payɛ nɛ yɔɔdaɣ ɖɩkpɛlɩyɛ Paarii tɛtʊ taa ɛlɛ, ɛɛwɛna pɩnzɩ nakʊ yeke. Marmontel piyaanoo ɖaŋ taa kɛ ɛsʊwa. Ɛcaŋ ɛmʊ kɩhɛyʊ piyaanoo mabʊ nɔmɔʊ taa pɩnaɣ 1851 nɛ naalɛ ŋgʊ pɩnaɣ 1852.

Georges kpaɣ halʊ kɛ mɩsɩkʋm fenaɣ kɩyakʊ 3 pɩnaɣ 1869. Ɛ-halʊ ɛnʊ payaɣ se Geneviève Halévy, ɛkɛ Georges tɛ hendu lɩzʊʊ wɩlɩyʊ. Payaɣa-ɩ se Jacques Fromental Halévy, pɩnzɩ lʊbɛ kɛ ɛ-sɩm wayɩ nɛ Léonie Rodrigues-Henriques. Evebu pɩɣa ŋga kaawɛna pɩnzɩ 30 lɛ, ɛ-halʊ kaawɛna pɩnzɩ 20. Ɛsʊʊ pɩtɩŋna e-nesi ɖɔkʊʊ yɔɔ kɛ Halévy cejewiye taa, pɩɩkɛ Yuda mba cejewiye sɔsɔyɛ naɖɩyɛ kɛ nɖɩ ɖɩɩwɛ Fransɩɩ ɛyaa taa yɔ.