Mani Bella

Pɩlɩɩna Wikipediya

Mani Bella hɩɖɛ maɣmaɣ kɛlɛ Véronique Mani Bella. Palʊla-ɩ aloma fenaɣ kɩyakʊ 29 wiye pɩnaɣ 1987Yawʊnde tɛtʊ taa Kameruni ɛjaɖɛ taa. Pɩnaɣ 2010 kɛ pasɩma-ɩ se ɛkɛna weyi eteɣ hendu yɔ ɛlɛ ŋga ɛya-kɛ se Pala Pala nɛ ɛlɩza-kɛ 2014 yɔ, ŋga hana-ɩ haɖɛ se patɩlɩ-ɩ yaa ɛka lila hendu teu taa.

Ɛlɩza tatasɩ nalɛ. Alɩwaatʊ ndʊ ete tataɣ ŋga ɛya-kɛ se Pala Pala yɔ, pɩtɛ alɩwaatʊ paha-ɩ samtʊ nima ndɩ ndɩ: Purkina-Faso ɛjaɛɖɛ taa ɛmʊ nimeye nɖɩ payaɣ-ɖɩ se Kunde d'or yɔ, Prazavili taa lɛ, ɛmʊ nɖɩ payaɣ ɖɩɖɩ se Africa Music Awards yɔ. Pɩnaɣ 2015 kɛ papala hendu teya taa nɛ palɩzɩ-wɛ pɛkpɛndɩ naatozo se polu Afrika ajɛya pombo mabʊ hayɩsʊ kanɖaʊ hendu. Pombo ŋgʊ pamakaɣ-kʊ Kinee Ekuwatorial ɛjaɖɛ taa nɛ hendu teyaa mba yɔ: Singuila, Fally Ipupa, Toofanwaa nɛ pɩtasɩna ɛmaɣmaɣ.

Palʊla Mani Bella kɛ Yawunde tɛta taa aloma fenaɣ taa. Ɛ-hɔʊ taa mba tɩŋga kɛ hendu teyaa. Payaɣ ɛ-caa se Mani Léon, ɛsɛɛ hɩɖɛ se Pilatus nɛ ɛmakɩ fanfarɩ suye sɔsɔyɛ nɛ ɛ-cɔzɔ, Apollinaire Owona, patasɩ- ɖɔɖɔ yaʊ se Cherami; ɛlɛ ɖɔɖɔ kɛ fanfarɩ maɖʊ. Yawunde peeɖe ɛcaɣ ɛpaɣlɩ nɛ ɛla e-sukili nɛ ɛkɔɔ ɛmʊ sukuli kɩtɛzɩɣ takayaɣ. Pʊwaɩ yɔ ewoba ƐsipañɩItalii ajɛya taa. Pɩnaɣ 2010 taa ɛpɩsa Kameruni ɛjaɖɛ taa ɛlɛ eteleɖi peeɖe nɛ ɛcaŋ ewolo Fransɩ ɛjaɖɛ taa nɛ ɛcaɣ. Ɛwala nɛ ɛwɛna piya naatazo halɩ pɩɣa kʊɖʊmaɣ. Ɛwɛ Parii tɛtʊ taa.