Koffi Olomidé
Koffi Olomidé kɛŋna Antoine Christophe Agbepa Mumba hɩɖɛ kɩsɛsɛyɛ. Palʊla-ɩ hasɩyaɖɛ fenaɣ kɩyakʊ 13 wiye pɩnaɣ 1956 kɛ Kisaŋginii tɛtʊ taa, Koŋgoo Kinsasa ɛjaɖɛ taa. Ɛkɛ Koŋgo ɛjaɖɛ taa hendu teyu sɔsɔ nɔɔyɔ. Eluki hendu, ɛmaɣmaɣ ɛcɔlɩɣna-tʊ mɩɩka yɔɔ nɛ ɛyaa pɩzɩɣʊ pewelesɩɣ-tʊ paale, eluki hendu ɖɔɖɔ nɛ ɛmaɣzɩɣʊ hendu teya lalaa ɖɔɖɔ pe-hendu teu taa. Ɛnʊ kɛnɛ Quartier Latin international et Ex agent de la Génécamine tɩkɩɖe-tʊ.
Koffi Olomidé luba ɛmaɣmaɣ ɛ-hendu nɛ ɛnɛ ɛ-taabalaa nabɛyɛ naalɛ nɛ payaɣ-tʊ se Synza. Ɛyaa naalɛ mba yɔ: Papa Wemba nɛ King Kester Emeneya. Pɩlaba mbʊ wayɩ lɛ, esu ɛzɩ ɛɛtasɩɣʊ natʊyʊ teu yɔ pʊkɔɔ pɩsɩɩna été Ngobila, Henriquet, Elle et moi.... Hendu ndʊ etewa nɛ ɛ-hɩɖɛ pazɩ pɩsɛɛ camɩyɛ. Ɛnʊ kɛŋna ɛzɩ Koŋgo ɛjaɖɛ taa nɛ Afrika kpeekpe taa weyi ɛkɛ sɔɖʊ sɔsɔʊ hendu teu taa yɔ nɛ ɛnʊ kɛŋna ɖɔɖɔ kacalaɣ-tʊ weyi été Parsi taa mbʊ pɩfɩyɩ ɖeu yɔ.
Afrika hendu teya kpeekpe taa lɛ, ɛwɛ hendu teya sɔsɔɣa hiu nɛ naalɛ waa taa nɛ eyeke, Koŋgo taa, weyi pakɩla-ɩ ɛ-hɩɖɛ ɖɛyɩʊ yɔ. Pɛɖɛya-ɩ ɛzɩ tatasɩ 1001 yɔ taa. Pɩnzɩ 40 taa yeke ɛlɩzɩ tatasɩ ɛzɩ nɛɛlɛ nɛ litoozo yɔ sɩ-taa hendu loyisi ɖɛ ɛzɩ 300 yɔ. E-hendu teu ha-ɩ samtʊ nima ɛzɩ lʊbɛ yɔ. Aloma fenaɣ kɩyakʊ 13 wiye pɩnaɣ 2015 ɛlɩza tataɣ ŋga payaɣ se 13ième Apôtre yɔnɛ ka-taa hendu loyisi tala ɛzɩ 40 yɔ. Tata kɛnɛ kɛɛlɩzaa nɛ ɛtɔ size ɛkpaagbaa tataɣ. Evemiye kʊɖʊmɖɩyɛ nɖɩ ɛlɩza ɖɔɖɔ tataɣ ŋga payaɣ se Selfie. Selfie kɛnɛ ɛyaa pazaa pɔsɔɔlɩ-kɛ Youtube yɔɔ kamaɣ fɛyɩ.