Johannes Brahms

Pɩlɩɩna Wikipediya
Sauter à la navigation Sauter à la recherche
Ɖajaa Brahms, pɩnaɣ 1853

Johannes Brahms kɛ soo luɖu nɛ wendu lɩzɩyʋ sɔsɔ nɔɔyʋ. Pɩtasɩɩna piɖeke, ɛmakɩ piyano ɖɔɖɔ ɖeu. Ɛtɛ ɛkɛ ɖɔɖɔ caama soo tɩnaa ɖɩjaɣyɛ taa sɔsɔ nɔoyʋ. Ɛkɛ abalʋ weyi ɛwɛna tandaʋ siŋŋ yɔ. Palʋla-ɩ kɩyakʋ lʋbɛ (7) n̄ɩŋgʋ wiye agoza fenaɣ taa, pɩnaɣ 1833 taa. Hambourg egeetiye taa palʋla-ɩ. Ɛsɩba kɩyakʋ naadozo (3) n̄ɩŋgʋ wiye, ɖomaɣ fenaɣ taa, pɩnaɣ 1897 taa. Fɩyɛɛnɩ egeetiye taa ɛsɩba.

Ɖajaa Brahms pɩnaɣ 1889

Ɖajaa Johannes Brahms minziiki maɖʋ ɛnɛ, ɛkɛ minziiki tʋmɩyɛ laɖaa tɩnaa taa sɔsɔ nɔɔyʋ. Ɛkɛ abalʋ weyi ɛ-tʋmɩyɛ kɛwɛ yuŋ yaa wazaɣ siŋŋ yɔ. Sakɩyɛ maɣzɩm taa lɛ, ɛ-tʋmɩyɛ labʋ taa wɛ ɖeyi ɖeyi ɖɔɖɔ ɛzɩ ɖajaa Ludwig van Beethoven yɔ.

Muriel-Nguyen-Xuan-Brahms-rhapsody-opus79-1

Ɛ-kajalaɣ wendu lɩna ɖajaa Hans Guido von Bülow wɩlɩtʋ taa. E-weŋgalaɣ kanɛ, kɛkɛ Beethoven tɛ hiu n̄ɩŋga. Brahms kɛ abalʋ weyi ɛ-tʋmɩyɛ labʋ alɩwaatʋ tɩŋa payɩ lɛ, lone kʋɖʋmɖɩyɛ taa ɛkɩlɩ sɔɔlʋʋ se ɛla e-wendu teu tʋmɩyɛ. Lone nɖɩɩ lɛ Vienne egeetiye.

Johannes Brahms - Op.45 Ein Deutsches Requiem - (02) Denn alles Fleisch, es ist wie Gras

Vienne egeetiye nɖɩ ɖɩ-taa lɛ, ɛkɛ ɛyʋ wazaɣ tʋ siŋŋ minziiki mabʋ hɔɔlʋʋ taa. Ɖajaa sɔsɔ Johannes Brahms ɛnɛ, ɛlɩza wendu ndɩ ndɩ nɛ ɛkpɛndɩ nɛ ɛmabɩna piyano. Ɛlɩza ɖɔɖɔ ɖanda minziiki nɛ pɩtasɩna soo maɖaa ɖɩjaɣyɛ tɛ weŋgalaɣ nɛ nɔɔ wiluu yaa nɔɔ tiluu.

Minziiki labʋ tɛyɩtʋ ndʋ tɩwɛ minziiki maɖʋ Johannes Brahms nɛ ɛ-tabalaa lɛlaa pɛ-hɛkʋ taa yɔ, ndʋ lɛ size, Johannes Brahms tatɩɩlabʋ paa wiɖi kɛ minziiki ŋgʋ paya size opera yɔ. Ɛlaba tʋmɩyɛ nɛ piyano maɖʋ sɔsɔ weyi yɔ, ɛ-hɩɖɛ lɛ Clara Schumann, nɛ ɛ-taabalʋ fɩyɔlɔnsɛlɩ maɖʋ lɛ ɖajaa Joseph Joachim.

Brahms Intermezzo Op. 76 No. 7