Fernand de Magellan

Pɩlɩɩna Wikipediya
Ɖajaa Fernand de Magellan

Fernand de Magellan kɛ Pɔrɩtɩgalɩ tʋ. Ɛkɛ abalʋ tandaʋ tʋ sɔsɔ nɔɔyʋ. Palʋla-ɩ Pɔrɩtɩgalɩ ɛjaɖɛ nɖɩ ɖɩ-taa peeɖe kɛnɛ nɛ ɖi-hayo kiŋ hɔɔlʋʋ taa kɛ pɩnaɣ 1480 waa taa kɛ mbɩ yɔ.

Ɛsɩba ɛjaɖɛ nɖɩ payaɣ-ɖɩ size Filipini yɔ ɖɩ-taa kɛnɛ kɛ ɖomaɣ fenaɣ taa efemiye yaa kɩyakʋ nɛɛlɛ nɛ lʋbɛ yaa hiŋ naalɛ nɛ lʋbɛ (27) n̄ɩŋgʋ wiye kɛ pɩnaɣ 1521 n̄ɩŋga taa. Lone yaa egeetiye nɖɩ ɖɩ-taa ɛsɩba yɔ, ɖɩ-hɩɖɛ payaɣ size Mactan tɛ lɩm hɛkʋ tɛtʋ yaa lɩm hɛkʋ taa kajaɣ.

Ɖajaa sɔsɔ Fernand de Magellan ɛnɛ, ɛkɛ Pɔrɩtɩgalɩ ɛjaɖɛ tʋ yaa ɛjaɖɛ pɩɣa ŋga kɛkɛ lɩm yɔɔ nʋmɔʋ woɖu sɔsɔ nɔɔyʋ yaa ɛsɔdaa heɣlim taa saɣyʋ sɔsɔ nɔɔyʋ siŋŋ yɔ. Ɛtɛ ɛkɛ ɖɔɖɔ, ɛjaɖɛ wobuyu kpɛlɛkɩyʋ tɩlɩyʋ tʋmɩyɛ laɖʋ taa sɔsɔ siŋŋ nɔɔyʋ. Ɖɩtɩlɩ ɖɔɖɔ size, ɛ-tʋmɩyɛ naalɛ wayɩ wayɩ n̄ɩnɖɛ nɖɩ sakɩyɛ yaa samaɣ kɩlɛyɩ nɛ sɩm yaa tɩlɩɣ.

Ɖenɖe Dajaa Fernand Magellan woba nʋmɔʋ yɔ

Ɛ-tʋma ana payɩ lɛ, kpaɖʋ yaa wɛɛ nɖɩ ɖɩ-taa ɛlakaɣ n̄ɛ yɔ, pɩɩkɛ wendu ndɩ ndɩ natʋ sɔsɔtʋ alɩwaatʋ taa. Alɩwaatʋ ndʋ tɩ-taa kɛ, pan̄ɩna nɛ pana wendu ndu ndu patana kau nɛ potolosi tʋʋ wiɖi kao nɛ pana yɔ. Sakɩyɛ sɩma yaa tɩla ɖajaa sɔsɔ ɛnʋ size, ɛnʋ kɛna kɔɔnɔɔ tʋ yaa kiɖe tɛ tʋ kajalaɣ tʋ weyi ɛcɔ tɛtʋ ilemiye yaa tɛtʋ kamaɣ yɔɔ yɔ, nɛ mɛlɛ yɔ caanaʋ taa yɔ yaa caanaʋ tɔm kɩkɛdɩtʋ taa yɔ.

Ɛtɛzaa cɔʋ nɛ mɛlɛ tɛtʋ ilemiye lɛ, pɩɩkɛ salaŋ fenaɣ taa kɛ pɩnaɣ 1522 n̄ɩŋga taa. Ɖɩɖɔkɩ size pɩnzɩ naadozo ɛɖɔmana nʋmɔʋ cɔʋʋ nɛ mɛlɛ kɛ tɛtʋ ilemiye yaa tɛtʋ kamaɣ yɔɔ yɔ. Ɖajaa sɔsɔ Juan Sebastián Elcano ɛnɛ ɛhawana nɔɔ nɛ ɛnʋ cɔŋgana ɛ-tʋmɩyɛ nɖɩ ɖɩlabʋ nʋmɔʋ taa. Ɛkʋya lɛ, ɛcɔɔ kpɛɛɛ nɛ wɩsɩ ɖɩɖʋyɛ hɔɔlʋʋ taa kiŋ nɛ pɩsɩnɛyɩ nɛ ewolo ɛkatɩ Moluques waa.

Ɖajaa Fernand Magellan tɛ mɛlɛ, payaɣ-kʋ se "Victoria"

Ɛ-nʋmɔʋ ɖɛʋ taa peeɖe, ɛn̄ɩnɩtʋ taa lɛ, ɛna ɛwadɩyɛ nesi yaa ɖɩgbɩyɩsɩyɛ naɖɩyɛ. Halɩ nɛ sɔnɔ taa kɛ mbɩ yɔ, ɛ-hɩɖɛ pagbaɣ nɛ payaɣ yaa pɛcɛlɛ ɛwadɩyɛ ɖɩgbɩyɩsɩyɛ nɖɩ. Kpaɖʋ yaa wɛɛ hiu nɛ kagbanzɩ (15) n̄ɩŋgʋ taa mbɩ yɔ lɛ, ndɩ lɩmaɣza wena ɛyaa mʋwaa nɛ pɔɖɔkɩ yɔ, size tɛtʋ wɛ kulu kulu yɔ, atɛma wɛʋ ɖoo kiɖe tɛɛ yaa caanaʋ tɔm taa hoo hoo.