Djeli Moussa Diawara

Djeli Moussa Diawara na wɩsɩ pɩnaɣ 1962 kɛ Kiinee ɛjaɖɛ taa. Patasɩɣ-ɩ yaʊ ɖɔɖɔ se Jali Musa Jawara nɛ ɛ-hɔʊ taa mba kɛna keeɣsɩ yayaa. Ɛ-caa yaɣ ŋgandɩyɛ nɛ e-ɖoo kɛna hendu teyu cɔɔcɩ nakʊyʊ hendu teya taa. Ɛpɩcatʊ taa kɛ ɛɛsɔɔla se ɛpɩsɩ mbʊ payaɣ nɛ pɛtɛ madɛŋgɩ kʊnʊŋ taa se « jali » yaa « djeli » yɔ, pʊtɔbʊ se keeɣa maɖʊ.

Pɩnaɣ 1970 taa kɛ Djeli Moussa pɩsa Abɩjaŋ, Kootidivuwari ɛjaɖɛ taa nɛ ɛnɛ ɛ-ɖalʊ hɔʊ taa tʊ papaɣzɩ hendu teu. Pʊwayɩ lɛ ɛnɛ Djenne Doumbia peteʊ ɖɔɖɔ. Pɩnaɣ 1983 ɛlɩza ɛ-kacalaɣ hendu teu kilɛmɩŋ kanahaʊ nɛ ɛyaa-kʊ se LP Yasimika. Ɛ-tɛ hendu teu kanahaʊ kʊnɛ, halɩ nɛ sɔnɔ mbʊ yɔ Afrika kpeekpe taa kɩɩñɩɩzɩɣʊ nɔɔyʊ.

Pɩnaɣ 1990 kɛ ɛlɩza ɛ-tɛ hendu kanahaʊ nɛ ɛyaa-kʊ se Fimenkora piyele pɩnaɣ 2000 taa lɛ ɛnɛ ɛ-taabalʊ Bob Brozman palɩzɩ tataɣ ŋga payaɣ-kɛ se Ocean Blues - from Africa to Hawaï. Pʊwayɩ yɔ ɛnɛ Abdoulaye Diabaté nɛ Moussa Cissoko patʊla ɖamanɩnaʊ hendu teu ŋgbɛyɛ naɖɩyɛ, kora Jazz. Sina sɔnɔ mbʊ yɔ, palɩza hedu teu kɩlɛmɩŋ kanahaŋ naatozo. Pɩnaɣ 2011 taa kɛ ɛl;:i pɛ-ŋgbɛyɛ nɖɩ ɖɩ-taa yem nɛ nɔɔyʊ ɛɛsɩŋ se ɛpɛ laba.