Zoroastre

Pɩlɩɩna Wikipediya
Sauter à la navigation Sauter à la recherche

Zoroastre, Zarathushtra yaa Zarathoustra (persan kʊnʊŋ taa lɛ زرتشت ; avestique taa lɛ Zaraϑuštra ; krɛkɩ kʊnʊŋ taa lɛ, Ζωροάστρης, Kurde taa lɛ Zerdest) ɛyʊ ɛnʊ ɛɛkɛ nayʊ, ɛnʊ ɖʊna zoroaste waa tɔm kiɖe. Pɩcaɣ kaɖɛ piŋ alɩwaatʊ ndʊ tɩ-taa se patɩlɩ keeke ɛyʊ ɛ-pɩnzɩ tɔm nɛ a-alɩwaatʊ tɔm. Kɛlɛ pɔtɔŋ se pʊwɛ ɛzɩ palʊla-ɩ nɛ nɔɔnɔɔ Iran ɛjaɖɛ taa nɛ Hayi kiŋ yaa Wɩsɩ Ɖɩlɩyɛ taa kiŋ. Paɣtʊ nɔmɔʊ hɔlʊʊ taa lɛ, pɛkɛdɩɣ-ɖʊ ɛlaaba e-fezuu caɣʊʊ kpaɣ kpaɣɖʊ 7 nɛ kpaɣɖʊ 6 pʊcɔ palʊlɩ Yesuu Krɩstʊ kɛlɛ ñɩnɩtʊ kɩfatʊ kɔma lɛ, pɔtɔŋ sɔnɔ se hayi ɛyʊ ɛnʊ ɛlaba ɛ-tɛ fezuu caɣʊʊ kpaɣ kpaɣɖʊ 15 nɛ 11 pʊcɔ palʊlɩ Yesuu Krɩstʊ.

Pama hɩɖɛ zaraϑ-uštra nɛ tɔmpee naalɛ, bahuvrihi, avestique kʊnʊŋ taa pɩlɩna zarəta- pʊ-tɔbʊʊ se kɩbɩnʊ, ɛjam nɛ uštra pʊ-tɔbʊʊ se aɖaɖaa, nɛ pɩwɩlɩɣ se pɩkɛ pʊtʊ weyi ɛwɛna aɖaɖaa naa kɩbɩma yɔ, ɖɔɖɔ pɩwɩlɩɣ se pɩkɛ weyi ɛsaŋ Ɛsɔ piŋ yɔ. Aristote cɔlɔ ɛ-hama nɩnaʊ takayaɣ taa lɛ, ɛtɔŋ se Ζωροάστρην tɔmpiye tɔbʊʊ kɔyɔ se weyi ɛcɛla ɛ-tɩ tɩyɩnzɩ yɔ.

Kurde kɩfalʊ tɛ lɛ, Zoroastre hɩɖɛ wɛna wɛtʊ ndɩ ndɩ Zerdüşt yaa Zerdeşt. Pɩtɩŋna pʊ yɔɔ nɛ tɔbɩŋ lɛɛŋ nɩɣ wɛɛ. Zer (sʊtʊ lɩm caʊʊ kurde kʊnʊŋ taa) lɩna tɔmpiye zêr nɛ ɖɩ-tɔbʊʊ se sika, deşt tɔbʊʊ se kɛdɛŋga, kɛlɛ keekeke taa ɛlɩzɩ tɔmpiye dest tɔbʊʊ nɛ ɛtɔŋ se pɩkɛ nandaka. Zerdest tɔbʊʊ kɛlɛ se weyi ɛɖɔka e-nesi taa kɛ sika yɔ pɩlɩna hama laɣsɩ nzɩ ɛlakaɣ yɔ. Yaa nabʊyʊ taa lɛ Zerdest pɩzaɣ pɩkɛ se ɛyʊ weyi ɛwɛ sika kɛdɛŋga taa yɔ.

Zoroastre kaamʊ mʊntʊsʊʊ kɩlɩna Ahura Mazda ɛsɔ cɔlɔ, ɛlɛ ɛɛwɛna pɩnzɩ 30. Kɛlɛ ɛsɩɩ ɛsɔ sɛtʊ tɔm paɣtʊ naa nɛ eyele nɛ ɛ-halʊ pɩsɩ ɛ-laŋɩyɛ, ɛ nɛ e-piyaa nɛ ɛ-ɖɛtʊ Maidhyoimangha. Grɛsɩ ɛyaa pazɩ pɛcɛtɩ tɔm ɛ-yɔɔ piŋ kɔzɩ kɔzɩ ɛ-pɩjayʊ tɔm. Pline cɔlɔ lɛ, se pɩwɛ ɛzɩ kɩyakʊ ŋgʊ paalʊla Zoroastre yɔ ewoŋga nɛ ɛpaɣlɩ kɩsɩŋgɩlɩtʊ taa.