Zeenɛɛvɩ

Pɩlɩɩna Wikipediya

Zeenɛɛvɩ kɛ Suwiisi ɛjaɖɛ taa tɛtʊ sɔsɔtʊ natʊyʊ. Tɛtʊ tʊnɛ tɩwɛ egeetiye nɖɩ payaɣ-ɖɩ se Lemanɩ yɔ ɖɩ-tɛ wɩsɩ c ɖɩɖʊyɛ hɔɔlʊʊ taa kiŋ.Suwiisi ɛjaɖɛ taa lɛ, tɛtʊ nɛ ndʊ lɛ natʊlɛ ñɩndʊ ɛyaa ɖɔʊ taa, pʊtɔbʊʊ se tɛtʊ ndʊ payaɣ-tʊ se Zuuriisi yɔ tɩ-waytɩ lɛ, ndʊ tɩŋgʊʊna. Tɛtʊ ndʊ tɩcɔ-tʊ nɛ tɩta yɔ ndʊ lɛ:Karuuzi, kolɔñii, Lansii, Preñii, Femiyenɛ Feyiriye.

Pɩnaɣ 2016 taa kigalʊʊ ŋgʊ paakalaa yɔ, pana ɛyaa ɛzɩ 202 132 yɔ, ɛlɛ yee pɛkpɛndɩna ageeta wena payaɣ-yɛ se Foodi nɛ Ɛŋ yɔ kɔyɔ, ɛyaa wɛʊ ɛzɩ kpaɣ 605 000 nɛ 946 000 yɔ pɛhɛkʊ taa. Pʊkɔma lakɩŋ fenaɣ 31 pɩnaɣ 2017 taa patasa ɛyaa kalɩʊ tɛtʊ ndʊ tɩ-tɛ maalika taa ɖeke lɛ,ɛyaa mba panaa yɔ pɛkpɛnda ɛyaa 201 813.

Zeenɛɛvɩ tɛtʊ tʊnɛ tɩ-walanzɩ taa maɣna ɛkɩtaarɩnaa ɛzɩ 1 593 yaa 15,93 km2. Zeenɛɛvɩ nɛ Niuyɔrɩkɩ pɛkŋna keteŋga kpeekpe yɔ tɛtʊ ndʊ tɩkɩla wɛʊ ɖeu yaa kɛtɛɖaɣ yɔ nɛ Zeenɛɛvɩ taa kpem kɛ pakɩla kediiasɩ sɔsɔsɩ nzɩ ɖama nɩnaʊ nɛ kpeyʊ pɛwɛɛ yɔ. Payaɣ Zeenɛɛvɩ maalika yɔɔ cɔnɩyʊ kɩfalʊ se Guillaume Barazzone.