Wolfgang Amadeus Mozart
| Wolfgang Amadeus Mozart | |
 | |
| Informa | |
| Ɛ-ɛjaɖɛ | Otirisi |
| Ɛ-tʋmɩyɛ | soo maɖʋ sɔɔ |
| Ɛ-ɖɩlʋlɩyɛ | Salzburg, Otirisi |
| E-efemiye kɩlʋlɩyɛ | Kɔlaɣ fenaɣ 27 wiye, pɩnaɣ 1756 |
| Ɛ-ɖɩsɩbɩyɛ | Fɩyɛɛnɩ, Otirisi |
| E-efemiye kɩsɩbɩyɛ | Saŋayɩŋ fenaɣ 5 wiye, pɩnaɣ 1791 |
| |
Wolfgang Amadeus Mozart kɛ Caama ɛjaɖɛ tɛtʋ taa abalʋ nɔɔyʋ. Ɛkɛ soo lɩzɩyʋ nɛ wendu lubuyu sɔsɔ. Eteu nɛ ɛmakɩ nɛ pʋɖʋ pɩ-taa camɩyɛ. Palʋla-ɩ egeetiye nɖɩ payaɣ-ɖɩ size Salzbourg yɔ ɖɩ-taa. Egeetiye nɖɩ, ɖɩkɛ ɛjaɖɛ wiyau pɩyalʋ waɖɛ yaa ɖoŋ lone ɖomuu tʋ lone kiɖeɖeye (Saint-Empire romain germanique).
Ɛ-lʋlʋkʋ alɩwaatʋ kaakɛ efemiye hiŋ naalɛ nɛ lʋbɛ (27) n̄ɩŋʋ wiye kɛ kɔlaɣ fenaɣ taa pɩnaɣ 1756 taa. Ɛsɩba egeetiye nɖɩ payaɣ-ɖɩ size Fɩyɛɛnɩ yɔ ɖɩ-taa kɛ efemiye kagbanzɩ (5) n̄ɩŋʋ wiye saŋayɩŋ fenaɣ taa kɛ pɩnaɣ 1791 taa.
Ɛwɛna pɩnzɩ hiŋ naadozo nɛ kagbanzɩ yaa niidozo nɛ kagbanzɩ lɛ ɛsɩba. Ɛka laba tʋmɩyɛ siŋŋ nɛ pɩcɔ ɛsɩkɩ. Eyeba keveŋga nɛ maɣzɩm sɔsɔm ɛsɩm wayɩ. Ɛtʋma ɛzɩ 626 wɛ tɛlɛŋga yaa ɖaɖɛ taa kɛ pɩlʋʋ ŋgʋ payaɣ-kʋ size Köchel yɔ kɩ-taa. Ɛtʋma kpeekpe taa payɩ lɛ, ɖɩna se, eluba wendu ɛtɛ ɛlɩzɩ soo ɖɔɖɔ nɛɛtɛ alɩwaatʋ wɛɛ taa.
Ɛ-wɛɛ taa aseɣɖe lɩzɩyaa lɩza nɛ pawɩlɩ size, ɛkɛkɛ piyaanoo maɖʋ, ɛtɛ ɛkɛ ɖɔɖɔ keɖeɣya tʋmɩyɛ laɖʋ weyi pɩhayɩ yɔ, ɛkɛ siŋŋ ɖɔɖɔ fiolɔ (violon) maɖʋ. Ɖɩsɩma camɩyɛ mbʋ size, ɛtasa nesi ɖʋ siŋŋ kɛ kɔnserto, nɛ pɩtasɩna weŋgalaɣ loyisi sɩnɛ yɔ (symphonie nɛ sonate) pa-taa.