Virgile

Pɩlɩɩna Wikipediya
Virgile

Informa
Ɛ-ɛjaɖɛ Itaalii
Ɛ-tʋmɩyɛ Keɣsi maɖʋ
Ɛ-ɖɩlʋlɩyɛ Mantua, Cisalpine Gaul, Itaalii
E-efemiye kɩlʋlɩyɛ Aloma fenaɣ kɩyakʊ 15 pɩnaɣ 70 BCE
Ɛ-ɖɩsɩbɩyɛ Brundisium, Itaalii
E-efemiye kɩsɩbɩyɛ Salaŋ fenaɣ kɩyakʊ 21 pɩnaɣ 19 BCE

Virgile kɛ paɖaɣna yaʋ nɛ Latɛŋ kʋnʋŋ taa taa size "Publius Vergilius Maro". Abalʊ ɛnɛ, ɛkɛ ɛjaɖɛ nɖɩ payaɣ-ɖɩ size Latɛŋ ɛjaɖɛ yɔ, ɖɩ-tɛtʋ taa pɩɣa yaa ɖɩ-tɛtʋ taa ɛyʋ. Abalʊ sɔsɔ Virgile ɛnɛ, ɛkɛ abalʋ lɔŋ tʋ yaa lɛɣtʊ siŋŋ tʊ nɔɔyʊ kɛ ɛ-ɛjaɖɛ tɛtʊ taa peeɖe.

Palʋla ɖajaa sɔsɔ ɛnɛ kɛ aloma fenaɣ taa kɛ evemiye yaa kɩyakʋ hiu nɛ kagbanzɩ (15) n̄ɩŋgʋ wiye kɛ Pɩnaɣ 70 n̄ɩŋga nɛ pɩcɔ palʋlʋ Yeesu Krɩstʋ. Egeetiye nɖɩ payaɣ-kɛ size Andes yɔ, ɖɩ-taa palʋla-ɩ. Sɔnɔ alɩwaatʋ taa mbɩ yɔ lɛ, payaɣ Andes kooka yaa egeetiye nɖɩ size Lombardie.

Ɖajaa sɔsɔ Virgile ɛnʋ, ɛsɩba salaŋ fenaɣ taa kɛ evemiye yaa kɩyakʋ nɛɛlɛ nɛ kʋɖʋmʋ yaa hiŋ naalɛ nɛ kʋɖʋmʋ (21) n̄ɩŋgʋ wiye nɛ pɩcɔ palʋlʋʋ Yeesu Krɩstʋ kɛ pɩnaɣ 19 n̄ɩŋga taa. Egeetiye yaa kooka ŋga ka-taa ɖajaa ɛnʋ ɛsɩba yɔ payaɣ size Brindes.

Ɖajaa sɔsɔ Virgile kɛ koowa maɖʋ sɔsɔ nɔɔyʋ kɛ ɛ-ɛjaɖɛ Latɛŋ ɛjaɖɛ tɛtʋ taa yɔ. Sɔnzɩ tɔm yɔdʋʋ hɔlʋʋ taa lɛ, pɩwɛ size ɖɩɖɔkɩ size, palʋla ɖajaa ɛnɛ kɛ egeetiye nɖɩ payaɣ size Andes yɔ ɖɩ-taa. Ɛ-tʋmɩyɛ kɩbanɖɛ nɛ ɖeu tʋmɩyɛ yɔɔ yɔɔ kɛ paya egeetiye tɛtʋ ndʋ ɛ-hɩɖɛ. Paya tʋ size Virgilio size paɖʋna-ɩ hɩɖɛ nɛ pɩsaɣ nɛ pasam nɛyɩ.

Ɖenɖe palʋla ɖajaa ɛnɛ yɔ, pɩn̄ɔtɩna Mantoue tɛtʋ ndʋ tɩwɛ Gaule cisalpine yɔ. Ɖeɖe tɔm mayaa yaa caanaʋ taa tɔm mayaa sakɩyɛ nabɛyɛ tɔŋ size, ɖajaa ɛnɛ ɛ-hɔʋ yaa yee liɖe nɖɩ ɖɩ-taa ɛlɩnaa yɔ ɖɩwɛ n̄ɩm kamaɣ fɛyɩ. Ɖajaa sɔsɔ Latɛŋ ɛjaɖɛ tɛtʋ taa koowa maɖʋ Virgile ɖoo kʋlʋlʋ payaɣ size Polla Magio, e-ɖoo ɛnʋ ɛ-walʋ lɛ Vergilius Maro, pʋtɔbʋʋ size ɛ-caa.