Vasco da Gama
| Vasco da Gama | |
 | |
| Informa | |
| Ɛ-ɛjaɖɛ | Pɔritigaalɩ |
| Ɛ-tʋmɩyɛ | Woɖu |
| Ɛ-ɖɩlʋlɩyɛ | Sines, Alentejo, Pɔritigaalɩ |
| E-efemiye kɩlʋlɩyɛ | pɩnaɣ 1460/1469 |
| Ɛ-ɖɩsɩbɩyɛ | West Orange, Niwujɛrsii, Etaazuunii |
| E-efemiye kɩsɩbɩyɛ | Saŋayɩŋ fenaɣ kɩyakʊ 24 pɩnaɣ 1524 |
| |
Vasco da Gama kɛ Pɔrtigalɩ tʊ. Palʊla-ɩ ɛzɩ pɩnaɣ 1469 yɔ kɛ Sini tɛtʊ taa nɛ ɛsɩ saŋgayɩŋ fenaɣ kɩyakʊ 24 wiye pɩnaɣ 1524 kɛ Ɛndɩ tɛtʊ taa. Ɛkɛna lɩm yɔɔ nʊmɔwoɖʊ nɛ ɛnʊ kɛna kacalaɣ tʊ weyi ɛtalɩ Ɛndɩ ɛjaɖɛ taa kɛ pɩnaɣ 1498 yɔ. Ɛɛtɩŋna Kap de Pɔɔnɩ Ɛsɩperansɩ. Ɛ-caa kɛ Pɔrɩtigalɩ tʊ nɛ payaɣ-ɩ se Estêvão de Gama nɛ e-ɖoo kɔyɔ d'Isabel Sodré nɛ ɛlɛ kɛ Aŋgilisi tʊ. Ɛ-ñɩma wɛna abalɩpɩya kagbanzɩ. Mbayɔ: Paulo da Gama, João Sodré, Vasco de Gama, Pedro da Gama nɛ Buenos da Gama nɛ halɩbʊwa kʊɖʊmaɣ: Teresa da Gama.
Mbʊ pasɩma Vasco da Gama pɩcatʊ yɔɔ yɔ pɩtakɩlɩ ɖɔʊ ɛlɛ pɩwɛ ɛzɩ Pɔrɩtigalɩ caanaʊ tɔm mayʊ weyi payaɣ-ɩ se Teixeira de Aragão yɔ, ɛtɔŋ se Vasco da Gama laba akɔnta nɛ lɩm yɔɔ ɖɔm sukuli kɛ Evora tɛtʊ taa. Ɛkpɛlɩka tinzɩ ɖɔnɛ wɛtʊ kɛ Abraham Zacuto cɔlɔ. Pɩnaɣ 1480 taa Santiyago wiyao, Jean II ya Vasco da Gama nɛ ɛɖʊ-ɩ tʊmɩyɛ se ewolo Setubali kitiiliŋ yɔɔ nɛ Algravi nɛ ɛkpa Fransɩ ɛjaɖɛ kpɩyɩŋ weyi ɛwɛɛɛɖʊzʊ Pɔrtigalɩ lanhɛzɩ alɩwaatʊ taa yɔɔ. Kpɛdɛɛ taa mbʊ yɔ Vasco da Gama tɛma tʊmɩyɛ nɖɩ labʊ.
Pɩnaɣ 1497 taa Pɔrtigalɩ ɛjaɖɛ wiyao, Henri le Navigateur tiya Vasco da Gama kaawɛ kpɩyɩŋ naanza nɔɔ yɔɔ nɛ ewolo Afrika kitiiliŋ yɔɔ nɛ ekuu ñɩm mbʊ ɛnaɣ yɔ. Ñɩm mbʊ pɩtaa kɔyɔ: sika, yomaa, tuŋ kela, tɩŋ kɔɖɩyɛ, sʊsɩ ndɩ ndɩ.