Tarɛsalam

Pɩlɩɩna Wikipediya
Tarɛsalam
Tarɛsalam

Tarɛsalam kɛŋna Tanzanii ɛjaɖɛ taa tɛtʋ sɔsɔtʋ. Tɩwalanzɩ taa maɣna ɛzɩ 162 km2 nɛ tɩ-taa kɛ ɛjaa kɩla ɖɔʋ kɛ Tanzanii ɛjaɖɛ taa tɛtʋ sɔsɔtʋ lɛɛtʋ. Pɩnaɣ 2005 taa pakalɩ ɛyaakɛ tɛtʋ ndʋ tɩ-taalɛ pɛkpɛnda ɛyaa 2 456 100 ɛlɛ pɩnaɣ 2012 taa patasɩ-wɛɛ kalɩɣ lɛ paɖɛ ɛyaa ɛzɩ miliyɔnaa naanza nɛ kutokiŋ naatozo yɔ. Tarɛsalam tɔbʋʋ kɛlɛ se laŋhɛzɩyɛ dɩɣa. Tɛtʋ ndʋ tɩ-taa kɛ tɔsʋʋ nɛ ɛsɩndaa wobu kɩlɩ wɛʋ.

Tarɛsalam tɛtʋ wɛ Tanzanii ɛjaɖɛ nɛ ɖɩ-wɩsɩ ɖɩlɩyɛ nɛ pɩwɛ Ɛɛndɩ ɛjaɖɛ taa pɔɔ ŋga kɔcɔlɔ kpam, pɩñɔtɩna Ŋsɩmbazi Pɔɔ yɔ. Tɛtʋ sɔsɔtʋ tʋnɛ tɩ-posʋʋ taa nɛ ɛjaɖɛ nɖɩ ɖɩ-tɛ tɛtʋ ndʋ tɩkɛ ɖɔɖɔ sɔsɔtʋ nɛ tɩ-taa kɛ kewiyaɣ tʋma sɔsɔna wɛɛ nɛ payaɣ-tʋ se todoma yɔ nɛ kilomɛtanaa ɛzɩ 500 yɔ. Pɩsa nɛ papɩzɩ nɛ pɔcɔna Tarɛsalam tɛtʋ yɔɔ camɩyɛ lɛ, pɛtɛyɩ-tʋ tɔm kagbanzɩ taa: Ilala, Kinondoni, Temeke, Uboŋgo nɛ Kigamboni.

Pɩnaɣ 1867 taa paakalɩ ɛyaa kɛ tɛtʋ ndʋ tɩ-taa lɛ, paakpɛnda 3 500, pɩnaɣ 1898 taa lɛ patalɩ ɛyaa 13500. Pɩnaɣ 1900 taa patasɩ-wɛ kalɩɣ lɛ, pɛtalɩ ɛyaa ɛzɩ 20 000 yɔ. Pɩkɔma pɩnaɣ 2009 taa lɛ, ɛyaa talɩ ɛz ɛzɩ 3 207 000 pɩkazɩ kpaagbaa kɩkalɩɣ ŋgʋ palaba pɩnaɣ 2012 yɔ pana ɛyaa miliyɔɔnaa 4 364 541. Tarɛsalam tɛtʋ maaliki yɔɔ cɔnɩyʋ kɛ payaɣ se Dr Didas Massaburi.

Tarɛsalam tɛtʋ nɛ ajɛyaa naayɛ taa tɛtʋ sɔsɔtʋ ɖʋ taabalɩyɛ yaa ɖama nɩnaʋ nɛ ɛsɩnda wobu nɛ tʋma labʋ nɛ tɛtʋ sɔsɔtʋ dʋ yɔ: Samsuŋ (Tuurkii), Hamburgi (Caama) nɛ Yiwu (Siini).