Serge Beynaud

Pɩlɩɩna Wikipediya

Palʊla Serge Beynaud kɛ salaŋ fenaɣ kɩyakʊ 19 wiye pɩnaɣ 1987 kɛ Yopungɔŋ tɛtʊ taa, pɩñɔtɩna Abiijaŋ tɛtʊ sɔsɔtʊ, Kotidivuwarɩ ɛjaɖɛ taa. Nabʊyʊ taa lɛ, pɛsɛtʊ ɛ-hɩɖɛ nɖɩ nɛ payaɣ-ɩ yem se Beno, Beno. Serge Beno ɛnɛ ɛ-hɩla kɩsɛsɛna ɖɔɔ nɛ a-taa kɔyɔ: L’ambassadeur du coupé-décalé, Le King et anciennement Le mannequin des arrangeurs et L'arrangeur sexinini. Ɛ-hɩɖɛ maɣmaɣ kɛlɛ se Guy Serge Beynaud Gnolou.

Ɛkɛna hendu teyu, keeɣsɩ luɖu nɛ si-teyu nɛ soo maɖʊ nɛ payʊ ɖɔɖɔ. Ɛyaa cɔŋna-ɩ ɛzɩ ɛnʊ kɩlɩɣna Afropop hendu teya taa ñʊʊdʊ yɔ nɛ payɛ nɖɩ payaɣ-ɖɩ se Kupedekale yɔ ɖɩ-taa lɛ paanɩ ɛñaŋgɩ-ɩ. Pɩnaɣ 2007 kɛ hendu teyu weyi payaɣ-ɩ se Douk Saga yɔ, ɛna-ɩ se ɛkɛna hendu teyu. Ɛna-ɩ mbʊ lɛ ɛya-ɩ nɛ etendi-i se ɛna-wɛ pɛkpɛndɩ nɛ palɩzɩ tataɣ nakayɩ nɛ etekizi.

Pɩnaɣ 2009 taa lɛ ɛmaɣmaɣ ɛɖʊ tambaɣyɛ se ɛpaazʊ e-hendu teu. Ɖeɖe nɛ sɔnɔ yee pañɩnʊ kupedekale hendu teya yaa tɩ-payaa siŋŋ kɔyɔ, nɔɔyʊ ɛɛɖɛʊ Serge Beynaud yɔɔ. Kupedekale kɛ ɛpaɣ yaa pɩtɛ hendu kɛ ɛkɩlʊ teu, ɛlɛ ekizu sidu kɛ Afropop kɛ pɩ-taa. Ɛ-caa kɛ sɔɔja nɛ pɛkɛ Pete mba. Ɖooo ɛ-pɩcatʊ taa kɛ ɛpaɣza hendu teu. Kotidivuwaɖi taa kɛ ɛpaazɩ hendu teya hendu ñɔɔzʊ nɛ pʊcɔ palɩzʊ tɩ-tatasɩ.

Pɩnaɣ 2009 kɛ ɛmaɣmaɣ été e-hendu nɛ ɛlɩzɩ tataɣ ŋga ɛya-kɛ se Kouma lébé yɔ. Pɩnaɣ 2012 kɛ ɛlɩza ŋga payaɣ se Seul Dieu yɔ yaa Ɛsɔ ɖeke yɔ. Serge Beynaud cɔʊ kupedekale nɛ Afropop pɛ-hɛkʊ taa. Mbʊ yebina nɛ ɛpɩzʊ eluki hendu sakɩyɛ ndɩ ndɩ nɛ ɛhaɣ hendu teya lalaa ɛzɩ: DJ Arafat, Debordo Leekunfa, Bebi Philip, DJ Mix 1er, Molare yɔ.

Ɛ-kalaɣ tataɣŋga payaɣ-kɛ se Ɛsɔ ɖeke yɔ, ɛɛlɩza-kɛ saŋgayɩŋ fenaɣ kɩyakʊ hiu ŋ,gʊ wiye pɩnaɣ 2010. Mɩsɩkʊm fenaɣ kɩyakʊ 27 wiye pɩnaɣ 2014 kɛ ɛtasa lɛɛka lɩzʊ nɛ ɛyaa-kɛ se Talehi. Pʊwayɩ kɛ ɛtasa lɩzɩʊ nakayɩ nɛ ɛyaa-kɛ se Seul le taf paye.