Safiiri (saphir)

Pɩlɩɩna Wikipediya
Sapphire cushion 4.20cts

Ñɩɣlɩm pɩyɛ naɖɩyɛ wɛɛ nɛ payaɣ-ɖɩ se safiiri. Ɖɩwɛ ɛzɩ ñɩɣlɩm pɛ wena payaɣ se koorindɔɔ tɛ sɛɛmɩ (gemme du corindon) waa yɔ. Safiiri ñɩɣlɩm pɛ ana apɩzɩɣ awɛɛna tɔlɩm ndɩ ndɩ. Ɛlɛ, aapɩzɩɣ awɛɛna tɔlɩm kɩsɛmɩm. Ñɩɣlɩm pɛ wena payaɣ se rubisi (rubis) waa yɔ, aɖeke awɛŋna tɔlɩm kɩsɛmɩm. Ɖajaa Jacques Louis ñɩnɩna nɛ ɛna se safiiri ñɩɣlɩm pɩyɛ nɛ korindɔɔ ñɩɣlɩm pɩyɛ pɛkɛ ñɩɣlɩm pɛ kʊɖʊma. Ɖajaa Jacques Louis kɛ Bournon tɛtʊ taa tʊ.

Blue Sapphire & Diamond Necklace

Ɖenɖe tɔmpiye «safiiri» (saphir) lɩnaa yɔ[ñɔɔzɩ | ñɔɔzɩ wikicode]

Tɔmpiye «saphir» lɩna krɛɛkɩ kʊnʊŋ kɩbɩnʊʊ taa. Kʊnʊŋ ŋgʊ kɩ-taa lɛ, payaɣ se «sappheiros», pʊ-tɔbʊʊ se pɩyɛ nɖɩ ɖɩwɛna yulee tɔlɩm (couleur bleue) yɔ. Yee tɔmpiye «saphir» ɛtalɩɩna krɛɛkɩ kʊnʊŋ tɔmpiye «sappheiros» cɔlɔ yɔ, ɖɩlɩna Ebre kʊnʊŋ tɔmpiye «sappir» cɔlɔ. Ebre kʊnʊŋ taa lɛ, tɔmpiye «Sappir» tɔbʊʊ lɛ se wonuu ŋgʊ kɩkɩlɩ ɖeu yɔ.

Ɛɛndɩ tɩŋga safiiri

Safiiri ñɩɣlɩm pɩyɛ wɛna tɔlɩm ndɩ ndɩ. Ɛyʊ pɩzɩɣ ɛna safiiri ñɩɣlɩm pɩyɛ naɖɩyɛ ɖɩwɛna kelaɣ tɔlɩm. Ɛpɩzɩ ɛna naɖɩyɛ, ɖɩɖɩ wɛna sʊtʊ tɔlɩm. Safiiri ñɩɣlɩm pɛ lɛɛna wɛna leemiŋ tɔlɩm nɛ lɛɛna ñɛwɛna kɛdaɣ tɔlɩm nɛ lɛɛna ɖɔɖɔ ñɛwɛɛna tɩŋ hatʊ tɔlɩm. Safiiri ñɩɣlɩm pɛ lɛɛna ñɛwɛɛ, afɛyɩna tɔlɩm nabʊyʊ. Safiiri ñɩɣlɩm pɛ taa lɛ, wena awɛna yulee tɔlɩm yɔ pakɩlɩ tɩlʊʊ. Payaɣ safiiri ñɩɣlɩm pɩyɛ nɖɩ ɖɩwɛna kelaɣ tɔlɩm yɔ se «Padparadja». Safiiri ñɩɣlɩm pɩyɛ nɖɩ, ɖɩtɔtɔyɩ. Ɛlɛ, nɖɩɩ pakɩlɩɣ ñɩnɩɣ.

Saphir, albite, biotite 300.4.FS2014