Sɩʊ

Pɩlɩɩna Wikipediya
Sauter à la navigation Sauter à la recherche

Siʊ yaa sɩwaa kɛna agɔlɔma wena akandayʊʊ ɖeɣwa yaa cejewiye, kooka, kookasi nɛ ɛzɩ kantɔɔ kpeekpe yɔ. Paasɩʊ sɩʊ yaa sɩɩnaa yem, tɩŋ nɔnɔɔ taa kɛ pasɩʊ-kʊ nɛ pɩkɛna teluu yaa teliŋ tɛ. Paa sɩʊ ŋgʊ kɩnɛ kɩ-hɩɖɛ. Lama-Ñaŋgbadɛ tɛ sɩʊ ŋgʊ kɩkandɩɣ egeetiyenɖɩ ɖɩ-yɔɔ yɔ, ŋgʊ payaɣ se Abɛɛsɩʊ. Egeetiye kʊɖʊmɖɩyɛ nɖɩ ɖɩ-taa cejewa naayɛ wɛna a-sɩwaa a-tɩ yɔɔ nɛ asɩŋna Abɛɛsɩʊ nɛ anaa yɔ Siŋjalɩm nɛ Cedeli. Kawɩlasɩ ɛwɩlaa kɔyɔ cɔjɔ yaa cɔjɔnaa kpɛyʊna yaa pɩkɛ cejewiye taa kɔyɔ, tamaɣ tɔɔyʊ yaa weyi pɛtɛma-ɩ sɔnzɩ labʊ yɔ, ɛnʊ eliziɣna yaa ɛwazʊʊ.

Sɩʊ yaa sɩɩnaa mba peheniɣna samaɣ se kɩpam yaa kɩdɛkɛdɩm caɣ labʊ. Sɩʊ ɛyɔɔdʊʊ kɔyɔ, kɩpɩsɩɣ sumaɣ nɛ kiwii. Ɖoŋ ɖɔŋ taa lɛ, kpiziyuu kɛ kɩpɩsɩɣ nɛ kiwii. Yee pɩkɛ kɩdɛkɛdɩm kɔyɔ tɛʊ feŋ ca lɛ, ɖɩwa taa sɔsɔ kpakɩɣ pɔ;oyasɩ nɛ ɛyɛlɩ tɩwaa nɛ ɛna se ɛbɛ lakɩ yaa ɛbɛ ɛɛlakɩ. Pɩwɛɛ mbʊ lɛ, paa sɩʊ ɛɛwɩlɩɣ kawɩlaɣ yaa kawɩlasɩ kɔyɔ, pɩkɛna kɩjɛyʊʊ se palaa-kʊ, mbʊ yebina nɛ pɔtɔŋ kʊtɔmɩyɛ se Sɩʊ eewɩɣ, paalaɣ-kʊ?