Mdou Moctar

Mdou Moctar yaa M'dou Mouktar kna Niizɛɛrɩ ɛjaɖɛ taa hendu teyu sɔsɔ nɔɔyʊ. Eluki ɛmaɣmaɣ e-hendu nɛ eteɣu-tʊ nɛ ɛpaɣ. Ɛkɛna Tuwarɛgɩ-tʊ nɛ palʊla-ɩ pɩnaɣ 1986 kɛ Agadɛsɩ tɛtʊ taa. Ɛwɛ kacalaɣ mba mba papɩza nɛ ɛma Pɛrɩbɛrɩ taa kɛ hendu kɩfatʊ ndʊ tɩlɩwa nɛ peteɣu-tʊ nɛ nɛ pamakɩ kitaarinaa mba patramna-wɛ nɛ laadiriki nimasi yɔ.

Ɛ-kacalaɣ tatasɩ lɩɣʊ nɛ patɩlɩ-sɩ yɔ, pɩlɩna ñɩɩtʊ nimasi nzi sɩ-yɔɔ pataŋ tatasɩ nɛ paɖʊ-sɩ kaŋgalafunaa taa nɛ payaɣ-sɩ se kartɩ meemuwari yɔ sɩ-yɔɔ. Lakasɩ sɩnɛ Afrika nɛ wɩsɩ ɖɩ-ɖʊyɛ taa kiŋ kɛ sɩwɛɛ. Kpaɣ ɛzɩ nesi ɖɔkʊʊ yaa kazandʊ ndɩ ndɩ taa mbʊ yɔ, Mdou Moctar lakɩ amʊza nɛ eteɣu hendu nɛ pʊkʊyʊ paanɩ lɛ ɛ-yɔɔ. E-hendu sakɩyɛ taa lɛ, ɛyɔɔda malɩŋ tɔm, sukuli tɔm, sɔɔlɩm tɔm nɛ laŋhɛzɩyɛ tɔm. Ɛmakɩɣʊ cɩmʊ yɔ nɩmɩyɛ ɛmakɩna-kʊ.

Ɛ-tatasɩ taa kɔyɔ: Anar, ɛlɩza-kɛ Sokoto (Naajeriya tɛtʊ taa) pɩnaɣ 2008; Sahel Sounds, (Amerika-tʊ weyi payaɣ-ɩ se Christopher Kirkley yɔ ɛsɩŋna-ɩ nɛ palɩzɩ-kɛ); Afelan.