John Dramani Mahama
Ɖajaa John Dramani Mahama kɛna ɛjaɖɛ nɖɩ ɖɩ-tɛtʋ taa tʋ sɔsɔ nɔɔyʋ. Ɛkɛ ɛjaɖɛ nɖɩ ɖɩ-taa politiki ŋgbɛyɛ nɖɩ payaɣ se National Democratic Congress (NDC) yɔ ɖɩ-taa tʋ. Ɛɛkɛ Kana ɛjaɖɛ ñʋʋdʋ kpaɣ salaŋ fenaɣ 24 pɩnaɣ 2012 nɛ puwolo pɩsɩɩna kɔlaɣ fenaɣ 7 pɩnaɣ 2017. Palʋla-ɩ ɖomaɣ fenaɣ kɩyakʋ 29 n̄ɩŋgʋ wiye, pɩnaɣ 1958 taa, Damongo tɛtʋ taa.
Ɛ-sɩm yɔɔ tɔm[ñɔɔzɩ | ñɔɔzɩ wikicode]
Ɛɛkɛ ɛjaɖɛ ñʋʋ tʋ kpaɣ pɩnaɣ 1997 taa, ɛnʋ kɛŋna Ñʋʋtʋ Jerry Rawlings tɛ tɔm yɔɔ kandɩyʋ (1998-2001) nɛ palɩzɩ-ɩ se ɛkɛ ɛjaɖɛ ñʋʋtʋ kɩfalɣ kɛ kamɩŋ fenaɣ kɩyakɣ 28 pɩnaɣ 2008 nɛ John Atta Mills. Ɛpaɣzɩ ɛ-tʋmɩyɛ 7 janvier 2009.
Ɖomaɣ fenaɣ kɩyakʋ 24 n̄ɩŋgʋ wiye, pɩnaɣ 2012 taa lɛ, ɛlɛɣzɩ ɛ-tʋmɩyɛ yɔɔ cɔnɩyʋ sɔsɔ John Atta Mills weyi ɛsɩba pɩnzɩ 68 taa, kʋdɔŋ sɔsɔʋ nakʋyʋ nɩʋ wayɩ yɔ, ɖajaa sɔsɔ Georgina Wood, weyi ɛkɛ tɔm hʋʋ kʋjɔŋ sɔsɔʋ taa tɔm yɔɔ cɔnɩyʋ yɔ, ɛ-cɔlɔ tɔm ndʋ tɩlaba. Ɖajaa John Mahama kɛŋna ɛjaɖɛ n̄ʋʋdʋ pɩkɔɔ pɩsɩɩna kɔlaɣ fenaɣ taa pɩnaɣ 2012 taa. Palɩza-ɩ se ɛkɛ ɛjaɖɛ ñʋʋdʋ kɔlaɣ fenaɣ kɩyakʋ 7 wiye pɩnaɣ 2012 nɛ ɛpaɣzɩ ɛ-tʋmɩyɛ kɔlaɣ fenaɣ kɩyakʋ 7 wiye pɩnaɣ 2013 paa mbʋ yɔ ɛ-ɛjaɖɛ ñʋʋdʋ kaɖɩnɩ-ɩ.
Ɖomaɣ fenaɣ kɩyakʋ 29 n̄ɩŋgʋ wiye, pɩnaɣ 2013 n̄ɩŋga taa lɛ, Kana ɛjaɖɛ tɔm hʋyaa sɔsaa lɩzɩ John Dramani Mahama se ɛkɛ ɛjaɖɛ n̄ʋʋdʋ, mbʋ pʋyɔɔ yɔ, palɩza-ɩ kɔlaɣ fenaɣ kɩyakʋ 7 n̄ɩŋgʋ nɛ kɩyakʋ 8 n̄ɩŋgʋ wiye, pɩnaɣ 2012 n̄ɩŋga taa. Kʋñɔmɩŋ weyi Nana Akufo-Addo, weyi ɛ-tɛtʋ taa ñɩma kaɖɩɣ-ɩ yɔ, ɛlʋba nɛ ɛpɩzɩ nɛ ɛkpaɣ tɔm ndʋ nɛ ewoni-tʋ tɔm hʋyaa sɔsaa cɔlɔ yɔ, ɩ-taa nɩɩyɩ lɛ mbʋ pʋyɔɔ yɔ, ɛjaɖɛ nɖɩ ɖɩñɩnɩɣ se ɖɩpɩsɩ Afrika Hadɛ Kiŋ ɛjaɖɛ taa ɛjaɖɛ nɖɩ ɖɩ-taa demokrasi wɛɛ yɔ. Pɩkɔma nɛ pɩtɛ lɛ, ɛ-tɛ elekuya wena palaba lakɩŋ fenaɣ taa pɩnaɣ 2016 taa yɔ a-taa lɛ, ɛlɩɩ ɛ-tʋmɩyɛ taa nɛ ewolo ɛ-caa kɩfalʋ, Nana Akufo-Addo, paɣtʋ ɖʋʋ sɔnzɩ taa. Ɖomaɣ fenaɣ kɩyakʋ 14 pɩnaɣ 2023, John Mahama tisi ɛ-tɩ yɔɔ kɛ NDC ŋgbɛyɛ taa se ɛkɛɣ ɛjaɖɛ nɖɩ ɖɩ-tɛ politiki ŋgbɛyɛ nɖɩ payaɣ se National Democratic Congress yɔ ɖɩ-n̄ʋʋdʋ nɛ ɛkaɣ kandɩyʋʋ pɩnaɣ 2024 taa.
Ɛ-ɛyʋtʋ taa tɔm[ñɔɔzɩ | ñɔɔzɩ wikicode]
Ɛpɩsɩ Pantekoti tʋ nɛ ɛsɔ sɛtʋ ŋgbɛyɛ nɖɩ payaɣ-ɖɩ se Assemblées de Dieu yɔ ɖɩ-taa pɩnaɣ 2001 taa.