Albrecht Dürer

Pɩlɩɩna Wikipediya

Albrecht Dürer kɛ ɛjaɖɛ nɖɩ payaɣ-ɖɩ size Caama ɛjaɖɛ yɔ ɖɩ-tɛtʋ taa pɩɣa yaa ɖɩ-ɛjaɖɛ taa tʋ. Ɛkɛ abalʋ weyi eyeba ɛ-n̄ɔsɩ ɖɔɔ cʋʋ kɛ ɛ-n̄ʋʋ taa yɔ. Palʋla-ɩ agoza fenaɣ taa kɛ evemiye yaa kɩyakʋ nɛɛlɛ nɛ kʋɖʋm yaa hiŋ naalɛ nɛ kʋɖʋm (21) n̄ɩŋgʋ wiye kɛ pɩnaɣ 1471 n̄ɩŋga taa. Egeetiye nɖɩ ɖɩ-taa palʋla-ɩ yɔ, nɖɩ payaɣ size Nuremberg.

Nuremberg egeetiye yaa lone kʋɖʋmɖɩyɛ nɖɩ ɖɩ-taa ɖɔɖɔ ɛsɩba. Pɩɩkɛ ɖomaɣ fenaɣ taa kɛ evemiye yaa kɩyakʋ loɖo (6) n̄ɩŋgʋ wiye kɛ pɩnaɣ 1528 n̄ɩŋga taa. Ɛ-pɩcatʋ taa, ɛkawɛna sɔlɩm siŋŋ kɛ lɩzɩyaa nɛ saɣyaa. Ɛ-maɣzaɣ siŋŋ size ɛzɩma ɛlakɩ nɛ wiɖi ɛnʋ ɖɔɖɔ ɛpɩsɩ tʋma ana a-taa laɖʋ nɔɔyʋ. Ɛtɛ atɩma ana, Ɛsɔ mʋyɛ nɛ ɛ-taa la leleŋ.

Ɖajaa sɔsɔ Albrecht Dürer ɛnɛ, ɛkɛ, takayaɣsɩ yaa kuduyuŋ yɔ lɩzɩyʋ siŋŋ nɛ camɩyɛ tʋmɩyɛ laɖʋ nɔɔyʋ. Pɩtasɩɩna piɖeke, ɛkɛ ɖɔɖɔ saɣʋʋ sɔsɔ nɔɔyʋ kɛ Caama ɛjaɖɛ nɖɩ ɖɩ-taa. Sakɩyɛ sɩma-ɩ ɖɔɖɔ siŋŋ nɛ kuduyuŋ yɔɔ sɛmɩŋ taʋʋ tʋmɩyɛ labʋ. Ɖajaa Albrecht kɛ ɖɔɖɔ samaɣ ɛsɩndaa kɛ lɩmaɣza nayɛ tɩlɩʋ laɖʋ, ɛzɩ payaɣʋ nɛ Fransɩ kʋnʋŋ taa size "théoricien de l'art" yɔ.

Ɖajaa Dürer ɛnɛ, ɛkɛ ɖɔɖɔ kɛ ɖoo polindaa naʋʋ siŋŋ lɩzʋʋ tʋmɩyɛ kpɛlɛkɩyʋ kpim kpim, tʋmɩyɛ nɖɩ payaɣna Fransɩ kʋnʋŋ taa size "géométrie de la perspective. Ɛ-hɩɖɛ kam kɛlɛ yaa ɛ-hɩɖɛ kɩzɛsɛɣ kɛlɛ Albertus Dürer Noricus yaa Dürer Alemanus ɖɔɖɔ yaa ɛzɩ, nabʋyʋ taa lɛ, nabɛyɛ ya-ɩ yem size keɖeyaɣ tʋmɩyɛ laɖʋ nesi yaa cɩkpalaɣ tʋ, hɩɖɛ nɖɩ payaɣna Fransɩ kʋnʋŋ taa size "monogramme".

Yee pʋwɛ feveɖe size ɛwɛ yaa tʋkaɣ ɛwɛ ɛna ɛ-caa, ɖajaa sɔsɔ Albrecht Dürer l'Ancien pɛ-hɛkʋ taa kɔyɔ, weyi pakɩlɛyɩ sɩm yaa sakɩyɛ sɩma mbʋ size ɛ-hɩɖɛ kʋya paa le nɖɔ, payaɣ ɖajaa Albrecht Dürer tobi yem size Albrecht Dürer le Jeune kɛ Fransɩ kʋnʋŋ taa. Caama kʋnʋŋ taa lɛ, payaɣ ɛ-hɩɖɛ nɖɩ size Albrecht Dürer der Jüngere.

Ɖajaa Albrecht Dürer le Jeune kɛ naadozo pɩɣa kɛ ɛ-caa Albrecht Dürer l'Ancien pɩyalaa yaa piya taa. Ɛ-caa ɛnʋ ɛkɛ liidiye yaa sika wendu luɖu tʋmɩyɛ tʋ sɔsɔ nɔɔyʋ. Ɛkpaŋgbamʋʋ kɛ payaɣ size Anton Koberger, ɛlɛ kɛ sika yaa liidiye wendu luɖu tʋmɩyɛ laɖʋ.