Yuda mba naŋ

Pɩlɩɩna Wikipediya

Yuda mba naŋ (krɛkɩ kʊnʊŋ taa lɛ Συναγωγή / Sunagôgê, pʊ-tʊbʊʊ se kpeɣluu pʊmʊna hebra mba tɔm בית כנסת (Beit Knesset), pʊ-tɔbʊʊ ɛyaa sakɩyɛ ɖi-kpeɣliye ɖɩɣa) pɩkɛ Yuda ɛyaa lone nɖɩ ɖɩ-taa pɛsɛʊʊ Ɛsɔ yɔ.

Yuda naŋ taa wɛʊʊ yɔ paa pɩkɩlɩ ɛzɩma yɔ kɩ-taa wɛʊ kɩlaʊ pɩyɛ sɔsɔyɛ, pʊ-tɔbʊʊ lone sɔsɔyɛ nɖɩ ɖɩ-taa pasɩɣ Tora yɔ, Tora kɛ Ɛsɔ Tɔm takayaɣ sɔsɔ taa kajalaɣ takayasɩ kagbanzɩ, takayasɩ nzɩ payaɣ se Moose takayasɩ. Kuduyiŋ ɛnʊ ɛ-taa wɛʊʊ ɖɔɖɔ kedizasɩ lona. Ɛ-taa wɛɛ ɖɔɖɔ kpɛlɛkɩtʊ kuduyiŋ cikpeŋ. Yuda naŋ kɩ-taa peeɖe pɛkpɛlɛkʊʊ sɔnzɩ paɣtʊ nɛ hebra kʊnʊŋ paa piyaa yaa ɛyaa sɔsa.

Yuda naŋ pakɩlɩ sɩm sɔnɔ avema taa kɛna Massada ñɩŋʊ, ŋgʊ wabɩna Mer Morte taa, kɛlɛ ɖɩnɩɩ ɖɔɖɔ se kɩbɩŋ nɩɩyɛ wɛɛ ɛzɩ Herodion ñɩŋʊ yɔ, Hérode tɩna-kʊ kɩwɛ ɛzɩ kilomɛta hiu nɛ naalɛ pʊcɔ ŋtalɩ Yerusalem, peeɖe pepima wiyaʊ ɛnʊ, nɛ Gamla ñɩŋʊ wɛɛ ɖɔɖɔ Golan kɩbɩnjaazɩ tɛtʊ sɔsɔtʊ.