Uruguwe
| Uruguwe Uruguay | |||
 Uruguwe tɛlɛŋa | |||
| |||
| Tʋmɩyɛ taa kʋnʋmɩŋ: | . | ||
| Tɛtʋ sɔsɔtʋ: | . | ||
| Ɛjadɛ kɛ mbʋ yɔ: | . | ||
| Ɛjaɖɛ ñʋʋdʋ: | Ɖajaa Tabaré Vázquez | ||
| Ɛjaɖɛ walanzɩ: | 176,215 km² | ||
| Samaɣ ñʋʋ: | 3,427,000 (2016) | ||
| Tɛtʋ hɔɔlʋʋ samaɣ ñʋʋ: | 18.6 km² | ||
| Internet nimaɣ: | . | ||
Uruguwe kɛna Amerika nɛ hadɛ kiŋ ɛjaɖɛ naɖɩyɛ nɛ ɖɩwɛ Pirezili nɛ hadɛ kiŋ nɛ Arizantini nɛ wɩsɩ ɖɩlɩyɛ. Uruguwe ɛjaɖɛ ɖɩnɛ ɖɩ-walanzɩ taa maɣna kilomɛtawaa akpagba 176 220 nɛ ɛyaa miloyɔɔnaa 3 477 770 wɛna ɛjaɖɛ nɖɩ ɖɩtaa. Kʊnʊŋ ŋgʊ pɔyɔɔdɩɣ komina tʊma taa nɛ pawɩlɩɣ-kʊ ɖɔɖɔ sukilinaa taa yɔ, ŋgʊ lɛ kastiyaŋ ɛlɛ ɛjaɖɛ ɖɩnɛ nɛ ɖɩ-hayʊ kiŋ lɛ pɔrɩtiigalɩ kɛ pakɩlɩɣ yɔɔdɩɣ.
Yee pɔcɔnaa siŋŋŋ kɔyɔ Uruguwe nɛ Pirezili pa-kamaɣ yɔɔ lɛ, kʊnʊŋ ŋgʊ pɔyɔɔdɩɣ yɔ pizidina kasitiyaŋ nɛ pɔritiigalɩ nɛ payaɣ-ku se pɔritiinɔlɩ. Sukilinaa taa ɖɔɖɔ mbʊ yɔ Uruguwe ha waɖɛ se pawɩlɩ pɔrɩtiigalɩ ɛzɩ kʊnʊŋ ŋgʊ kɩkɛna kɩjɛyʊʊ nabʊyʊ yɔ, ɛlɛ pɩpaazɩɣna ɖamɩŋ lʊbɛ.
Ɛjaɖɛ ɖɩnɛ ɖɩmʊ ɖɩ-tɩ yɔɔ wɛʊ kɛ kɩyɛna fenaɣ 25 pɩnaɣ 1825 ɛlɛ ɖɩwɛ ɖɩ-tɩ yɔɔ sɩŋŋŋ kɛ kɩyɛna fenaɣ 27 pɩnaɣ 1830. Aloma fenaɣ 31 pɩnaɣ 2004 taa pɔtɔ caca lɛ palɩzɩ ɛjaɖɛ ñʊʊtʊ weyi payaɣ-ɩ se Tabaré Vázquez nɛ pɩnzɩ kagbaanzɩ wayɩ, mɩnzɛma fenaɣ 2009 taa weyi palɩzaa yɔ ɛnʊ lɛ José Mujica.
Mɩnzɛma fenaɣ 30 wiye patasa caca tɔʊ se palɩzɩ pɛ-ɛjaɖɛ ñʊʊdʊ kɩfalʊ lɛ, Tabaré Vázquez nɛ Luis Lacalle Pou pa-naalɛ pa-taa lɛ, Tabaré Vázquez wabɩna nɛ ɛɖaɣnɩ kɛʊ Uruguwe ɛjaɖɛ ñʊʊdʊ kɩfalʊ. Ɛpaɣzɩ kpelaɣ yɔɔ caaʊ lakɩŋ fenaɣ kacalaɣ wiye pɩnaɣ 2015.