Toumani Diabaté

Pɩlɩɩna Wikipediya
Sauter à la navigation Sauter à la recherche
Toumani Diabaté

Toumani Diabaté kɛna Malii ɛjaɖɛ mʊsɩ laɖʊ sɔsɔ nɔɔyʊ peeɖe lɛ, pakpaɣ-ɩ ɛzɩ mba pakɩlʊ mabʊ pa-cɩmʊ ŋgʊ payaɣ-kʊ se kora yɔ. Palʊla-ɩ Pamako tɛtʊ taa, Malii ɛjaɖɛ taa kɛ kɩyɛna fenaɣ kɩyakʊ hiu wiye pɩnaɣ 1956. Ɛ-pɩyalʊ payaɣ se Sidiki Diabaté, ɛlɛ ɖɔɖɔ kɛna mʊsɩ laɖʊ sɔsɔ nɔɔyʊ. Afrika nɛ wɩsɩ ɖɩɖʊyɛ taa payɩ lɛ, ɛnʊ pakpaɣ ɛzɩ cɩmʊ ŋgʊ payaɣ-kʊ se kora yɔ ki-wiyaʊ. Ɛ-ɖɛtʊ payaɣ se Mamadou Diabaté. Pʊtɔbʊʊ se se e-cejewiye kpeekpe taa mba kɛna mʊsɩ laɖaa.

Toumani Diabaté - 2009

Toumani Diabaté paɣzɩ kpɛlɛkʊ kɛ kora mabʊ lɛ, ɛɛwɛna pɩnzɩ kagbaanzɩ ɖeke. Ɛkɔma nɛ ɛwɛna pɩnzɩ 13 lɛ, ɛnɛ hendu teu ŋgbɛyɛ nɖɩ paɣ-ɖɩ se Koulikoro yɔ, powolo kɛgbɛyaɣ nakayɩ ɖeɖe Malii ɛjaɖɛ taa. Kɛgbɛyaɣ ŋga palakɩ-kɛ paa pɩnzɩ naalɛ nzɩ lɛ sɩ-wayɩ. Peeɖe mba mʊna kacalaɣ kʊjɔʊ. Kpaagba mbʊ lɛ pasʊzɩ-ɩ Malii ɛjaɖɛ kpeekpe taa mʊsɩ laɖa sʊsa ŋgbɛyɛ taa. Toumani Diabaté nɛ kora maɖa sʊsa sʊsa palaba amʊʊza ɛzɩ: Kandia Kouyaté, Taj Mahal nɛ Ali Farka Touré, weyi ɛna-ɩ palɩza tataɣ kɛ pɩnaɣ 2005 nɛ payaa-kɛ se In the Heart of the Moon.

Kayhan Kalhor - Persian musician & Toumani Diabate - Malian musician AMS 2016