Sayɩnɩsmɩ

Pɩlɩɩna Wikipediya
Sauter à la navigation Sauter à la recherche

Sayɩnɩsmɩ (Jaïnisme) yaa sɩnɩsmɩ (Jinisme) (sanskrit kʊnʊŋ taa lɛ, जैनमतम्, IAST : jainamatam ɛlɩna Jina tɛ, nɛ pʊ-tɔbʊʊ se waɖʊ nɛ mata pʊ-tɔbʊʊ se lɩmaɣzɩyɛ, pɩkɛ Ɛsɔ sɛtʊ ŋgbɛyɛ naɖɩyɛ, ŋgbɛyɛ nɖɩ pʊwɛ ɛzɩ ɖɩñɔʊʊ kpaɣ kpaɣɖʊ 10 alɩwaatʊ yaa 9 alɩwaatʊ pʊcɔ palʊlɩ Yeesu Krɩstʊ yɔ. Ŋgbɛyɛ papɩzɩɣ pakalɩɣ ɖɩ-taa ɛyaa pɩtalɩ miliiyɔɔ naa hiu mbʊ yɔ kedeŋa kpeekpe taa, mʊyaa nɛ mantamʊta waa pisida yem, kɔzɩ kɔzɩ Ɛndɩ ɛjaɖɛ taa (Erɔpʊ taa lɛ patalɩ ɛyaa 30000 nɛ 100000 ñɛwɛɛ Etaazuunii ɛjaɖɛ taa).

Ŋgbɛyɛ nɖɩ ɖɩ-tɛ ɛyaa lɩmaɣzɩyɛ kuɖum wɛ ɛzɩ Ɛndʊyɩsmɩ ŋgbɛyɛ tɩnaa ɖɔɖɔ yaa pudaa ɛyaa ɖɔɖɔ yɔ nɛ sɩkɩsmɩ tɛ mba yɔ, kɛlɛ se ɛyʊ weyi ɛmʊwa nɛ etisi yɔ pʊwɛ se eyele e-ciyam nɛ kɩhɛzɩ ɛtaawɛɛ fɛyɛɛ nɛ lɛlʊ tɛ wobu mbʊ payaa se moksha yaa nirvana. Palɩmaɣza taa lɛ ɖɩnɩɣ camɩyɛ kɔyɔ ɛyʊ wokʊʊ lɛlʊ tɛ pɩkɛ fɛyɛ tɔm mbʊ lɛ pʊwɛɛ se ɛyʊ ɛpazɩ ɛlɩzɩ ɛ-lɩmaɣzɩyɛ taa yɛlʊʊ nɛ lɛlʊ tɛ wobitu tɔm, mbʊ payaa se samsara, pɩlɩna ɛyʊ tɛ kɩbaɣzɩm cɔlɔ nɛ pɩ-taa kɛlɛ kakalaɣ taa ndʊ tɩtamsɩɣ tɩ-tɩ nɛ lɛɛtʊ yɔ lɛ, paale you ɛtaawɛɛ ndʊ payaa se ahimsâ, ñʊʊ taa maɣzʊʊ nɛ nɔɔ hɔkʊʊ kɛ ɖɔɖɔ ɛyaa mba pɛ-tɛ paɣtʊ.

Ɛsɔ sɛtʊ ŋgbɛyɛ nɖɩ ɖɩ-tɔm ɖɩyɔɔdʊʊ yɔ paɣza kpaɣ kpaɣɖʊ 10 kɛ Ɛndɩ ɛjaɖɛ ɛlɛ pʊcɔ ɖa-alɩwaatʊ tʊ nɛ yɔ, tɩ-nɔɔ ɖɛyʊ kʊyɔ wɩlɩyʊ Rishabhanatha patasɩ-ɩ yaʊʊ ɖɔɖɔ Adinâtha pʊ-tɔbʊʊ se kajalaɣ wɩlɩyʊ. Ɛŋ-ŋgbɛyɛ nɖɩ ɖɩkpa ɖoŋ kpaɣ kpaɣɖʊ 6 alɩwaatʊ taa pʊcɔ palʊlɩ Yeesu Krɩstʊ pɩtɩŋna Mahâvîra, kpaagbaa tʊ Tirthankara.

Wɩlɩyaa lalaa mba pɛ-ɛsɛ cɛba ɖɔɖɔ nɛ paaɖɔŋaɣ paɣtʊ yɔɔ, ɖɔɖɔ nabayɛ kaakɛʊ Ɛndɩ sɩɣwaa kaawɛ ɛyaa mba pa-naalɛ hɛkʊ taa mba yɔ Ajita, Sambhava, Abhinandana,Sumati, Padmaprabha, Suparshava,Candraprabha,Suvidhi, Shhitala,Shreyamsa,Vasupujya,Vimala,Ananta, Dharma, Shanti, Kunthu, Ara, Malli, Munisuvrata, Nami, Nemi,Parshava.