Sékouba Bambino
Palʊla Sekouba Diabaté kɛ Kinee ɛjaɖɛ taa pɩnaɣ 1964. Ɛkɛna ɛjaɖɛ nɖɩ ɖɩ-taa hendu teyu sɔsɔ nɔɔyʊ nɛ ɛ-hɩɖɛ kɩsɛsɛyɛ kɔyɔ Bambino. Palʊla-ɩ Kintiniya tɛtʊ taa, pɩñɔtɩna egeetiye nɖɩ payaɣ-ɖɩ se Sigiri yɔ nɛ pɩkɛna Kinee ɛjaɖɛ taa. Ɛ-hɔʊ taa mba tɩŋga kɛna keeɣsi maɖa nɛ hendu teya. E-ɖoo kɛ payaɣ se Mariama Samoura nɛ ɛlɛ kɛna hendu teyu sɔsɔ nɔɔyʊ. Ete tataɣ nakayɩ nɛ ɛyaa-kɛ se Apollo.
Eete kɛ lɛ, ɛ-hɩɖɛ pazɩ ɖɩsɛ siŋŋŋ nɛ tataɣ kʊɖʊmaɣ ŋga ɛ-pɩyalɔ Sekouba Diabaté kaɣ ɖaanɩɣʊ nɛ ɛtasɩ teu nɛ pɩla sɔsɩŋ pɩŋŋ ɖɔɖɔ. Aliwaatʊ ndʊ pɩɣa kɛnɛ kɛwɛɛ kɛjɛyʊ ka-tɩ se kapɩɩ hendu teu taa lɛ, ɛ-caa ɖɩɣna-ɩ kisu. Ɛna-ɩ pɛwɛɛ pɔhɔŋ ɖama pɩkɔɔ pɩsɩɩna alɩwaatyʊ ndʊ pɔkɔma pana-ɩ se pɩnaɣ 1979 lɛ Kinee taa lɛ ɛnʊ kɩlɩɣna soo wena paya-ɛ se Sigiri yɔ, a-mabʊ.
Pɩla mbʊ nɛ paha-ɩ soo ana a-samtʊ nimiye. Pʊwayɩ lɛ peeɖe ɛjaɖɛ ñʊʊdʊ, Ahmed Sékou Touré, ma-ɩ takayaɣ nɛ etendi-i se ɛsʊʊ hendu teu ŋgbɛyɛ nɖɩ payaɣ-ɖɩ se Bembeya Jazz yɔ ɖɩ-taa nɛ etisi ɖɔɖɔ. Peeɖe ɛsɛ ɛ-hɩɖɛ nɖɩ se Bambino mbʊ pʊyɔɔ yɔ pɛ-tɛ soo wena pamakɩyɔ, a-hɩɖɛ wokaɣna ɛ-hɩɖɛ nɖɩ ɖɩ-yɔɔ.
E-hendu teu siŋŋ pazɩna Senegali ɛjaɖɛ taa weŋgaliyu weyi payaɣ-ɩ se Ibrahima Sylla yɔ. Ibrahim ɛnɛ ɛkpaɣna-ɩ nɛ palɩzɩ tataɣ ŋga payaɣ-kɛ se Faso des fils de Sory Kandia Kouyaté yɔ. Ɛlɛ sɩŋna-ɩ nɛ ɛlɩzɩ ɛ-kacalaɣ tataɣ ŋga payaɣ se Kassa yɔ. Ɛ-tataɣ kɛnɛ kɔyɔɔ kɛ ɛlɩza Cinéma Wondo nɛ Bonya. Ɛlɩza ɖɔɖɔ tatasɩ lɛɛsɩ ɛzɩ: Sinikan nɛ Soro.