Makɩyɛ

Makɩyɛ nabayɛ tɛ lɛ payaɣ se keziye pɩkɛ hɩɖɛ nɖɩ ɛyaa kpeekpe sɩma yɔ, pɩkɛ kpeluu ɛzɩ ɖɩsɩm pʊtʊ weyi paya-ɩ se kpeluu yɔ. Sumasi hɩla pɩlʊʊ nɔmɔʊ taa lɛ hɩɖɛ ɖɩ-pɩlʊʊ taa pɛkpɛnda sumasi 38, nɛ com com kpeluu taa palɩɩ hiu nɛ naalɛ (ŋgʊ ɖeɖe nɛ sɔnɔ yɔ sakɩyɛ leba).

Makɩyasɩ kɛ sumasi nzɩ sɩsɔɔlɩ nandʊ tɔm kpem, pakʊyɩɣ ɛsɔdaa ɛzɩ pamazɩ-wɛ nɛ ɛsɔdaa lɔɔɖaa ɛlɛ pa nɛ ɛnʊ yɔ wɩsɩ taa yeke pɔɖɔŋ, pa-naŋgbanzɩ caɣ ɖoŋ piŋ nɛ pa-cɩkpaŋ wɛɛ ɖɔɖɔ ɖoŋ nɛ lɔŋ pɛfɛyɩ yɔɔdʊʊ mbʊ pakpaɣ nɛ pa-nandʊʊ yaa pɔ-tɔɔnaɣ. Panaɣ ɖooo poliŋ paa pɩwɛ cululuu mbʊ yekina nɛ panaɣ paa lee nandʊ, paa ɖooo poliŋ taa le. Sumasi nzɩ si-keŋ ɖalaa pɩtɛ pɩwalɩ pɛ nɛ kpelɩŋ maɣmaɣ pɩfɛyɩ kɩmaŋ.

Ɛ-hɩɖɛ lɩɣ anasaayɩ taa yɔ ɖɩtɩŋna latɛŋ yɔɔ aquila, pɩlɩna kɩbɩnjaazɩ kʊnʊŋ yɔɔ aigla (mbʊ yebina nɛ pama-ɖɩ nɛ anasaayɩ kʊnʊŋ taa lɛ mayaɣ g wɛɛ pɩ-taa). Ɛŋglɩsɩ kʊnʊŋ taa lɛ eagle. Caama kʊnʊŋ taa lɛ, Aar yaa Adler (kɩbɩnʊʊ taa lɛ adelar, matʊ taa pʊ-tɔbʊʊ makɩyɛ kɩbanɖɛ) nɛ krɛkɩ kʊnʊŋ taa (grc) (aetós) ɖɩwɛna ɖɔɖɔ hɩla ndɩ ndɩ kʊnʊmɩŋ lɛɛŋ taa ɖɔɖɔ.

Ɛwɛɛ mbʊ lɛ ɛyaa sakɩyɛ nɛ ajɛyɛ sakɩyɛ mazɩna-ɩ nɛ palɩzɩ kɛlɛmɩŋ nɩɩyɛ. Nabayɛ tɛ lɛ pawɩlɩɣna pa-lɩmaɣza keɖeɣa, nabayɛ papa wɩlɩɣ se pɛwɛ ɖoŋ piŋ ɛzɩ ɛnʊ ɛ-maɣmaɣ yɔ yaa lalaa tɛ hɩɖɛ ɖʊʊ pɩkɛna-wɛ. Roma mba tɛ papa mazɩna-ɩ nɛ payaa hɩɖɛ pɔ-sɔɔjanaa. Liidiye naayɛ yɔɔ palɩza-ɩ ɛzɩ ɖɩkpaɣ nɖɩ payaɣ se Eroo mbʊ yɔ palɩza-ɩ nɛ pɔcɔzɩ tɩyɩnzɩ pɩtamɩ-ɩ. Mbʊ ɖɔɖɔ pɩwɛ Caama ɛyaa tɛ.