Mɩsɩ

Mɩsɩ kɛna tɔɔnaɣ pee ŋga ŋga pahayʊ Afrika taa yɔ, pɩkɩlɩna Togo taa ageeta wena payaɣ-ɛ se Kaɖaɣ nɛ Savanɩ yɔ a-taa. Pahayʊʊ mɩsɩ yɔ, mʊtʊ, tɛɛʊ, tɛɛgɛɛ, tɛɛzɩsaʊ, ca:nk:uma yaa ŋgine kɛ palakɩna. Panaŋgʊ-sɩ nɛ sɩpɩsɩ mʊlʊm nɛ pasaana mʊtʊ yaa pahatʊ-sɩ lɛ, popuu tɛɛʊ yaa pefidi ŋgine yaa tɛɛgɛ. Mɩsɩ pʊʊ nɛ pakʊm-sɩ lɛ, pamaɣza-sɩ yɔ, panaɣ sɩ-taa kɛanaɣm tɔɔnasɩ nzi payaɣ se fitamini B yɔ, zɩnkɩ, mañeziyɔmɩ, fɔsɩfɔɖɩ, fɛɛɖɩ nɛ silisi. Pɩtɛkɛ piɖekɛ ɛlɛ anaɣm tɔɔnaɣ ŋga payaɣ kɛ se E yɔ.

Mɩsɩ wɛ ndɩ nɛ amala. Amala lɛ pahayʊ-ɛ Afrika nɛ Azi ajɛya taa. Amala pesidu mila taa nɛ poɖu. Mbʊ pʊyɔɔ yɔ amala ɛɛpʊɣ lɔŋ ɛzɩ mɩsɩ yɔ. Mɩla nɛ amala pʊɣ ɖama yɔɔ. Mɩsɩ tatalɩ amala kɛ paɣlʊ ɛlɛ sipiya nɛ sɩwɛɛ ɖoŋ sɩkɩlɩ amala. Mɩsɩ nɛ amala sɔɔla labʊ camɩyɛ hɔɔlɩŋ weyi ɩ-taa wɩlɩŋ wɛɛ yɔ yaa wɩsɩ ñakɩ camɩyɛ yɔ. Pʊyɔɔ kɛ pahayʊ-sɩ Afrika nɛ Azii ajɛya taa. Pahayʊ ɖɔɖɔ amala kɛ Ɛndɩ, Siini nɛ Afrika ajɛya taa. Ajɛya anɛ a-taa kɛ pakɩlʊ amala hayʊ keteŋga kpeekpe taa lɛ, mɩnɩʊ yɔɔ lɛ, pahayʊ-ɛ ɛzɩ 94 yɔ.

Amerika tɛtʊ taa lɛ, amala kɛna ñɩtʊ yem. Sumasi sɔɔlɩ amala nɛ mɩsɩ wɛɛkʊ. Mbʊ pʊyɔɔ yɔ, mɩsɩ yaa amala ɛɛlakɩ nabʊyʊ tomnasi nzi sɩfɛyɩ ɖoŋ yɔ. Mɩsɩ nɛ amala pee wɛɛ ɛzɩ mɔʊ yaa bile yɔ ɛlɛ mɔʊ pee ñahʊlʊmaa.