James Joyce

Pɩlɩɩna Wikipediya

James Joyce hɩɖɛ keekee kɛlɛ size James Augustine Aloysius Joyce. Ɖajaa sɔsɔ James Joyce ɛnɛ, ɛkɛ ɛjaɖɛ nɖɩ payaɣ-ɖɩ size Irɩlandɩ yɔ ɖɩ-tɛtʋ taa ɛyʋ yaa ɖɩ-tɛtʋ taa pɩɣa. Ɛkɛ abalʋ weyi ɛfɛyɩ felendu kpataa yaa kaʋ yɔ. Ŋna-ɩ kɔyɔ, ŋna size ɛkɛ tandaʋ tʋ nɔɔyʋ siŋŋ.

Palʋla ɖajaa sɔsɔ James Joyce ɛnʋ kɛ lɛlaɣ fenaɣ taa kɛ evemiye yaa kɩyakʋ naalɛ (2) n̄ɩŋgʋ wiye kɛ pɩnaɣ 1882 n̄ɩŋga taa. E-egeetiye kʋlʋlɩyɛ yaa lone ɖeɖe ndɩ ɖɩ-taa palʋla-ɩ yɔ, nɖɩ payaɣ size Dublin egeetiye. Ɛkɛ n̄amtʋ pɩɣa ɛ-taabalaa nɛ ɛ-samaɣ ŋga ɛwɛ ka-taa yɔ kɛ-sɩnda.

Ɛ-pɩcatʋ taa ɛɛkɛ pɩɣa ŋga kɛwɛ lɛɣtʋ siŋŋ yɔ. Ɛsɩba kɔlaɣ fenaɣ taa kɛ evemiye yaa kɩyakʋ hiu nɛ naadozo (13) n̄ɩŋgʋ wiye kɛ pɩnaɣ 1941 n̄ɩŋga taa. Egeetiye nɖɩ ɖɩ-taa ɛsɩba yɔ, nɖɩ payaɣ size Zurich. Ɖajaa sɔsɔ James Joyce ɛnɛ, ɛkɛ maɣzɩm takayasɩ kɩkalasɩ mayʋ sɔsɔ nɔɔyʋ siŋŋ kɛ ɛ-ɛjaɖɛ nɖɩ ɖɩ-tɛtʋ taa.

Ɛnʋ ɖɔɖɔ kɛna koowa maɖʋ sɔsɔ siŋŋ nɔɔyʋ kɛ ɛ-ɛjaɖɛ Iɖɩlandɩ tɛtʋ taa peeɖe. Ɛsɩkaɣ lɛ, ɛɛwɛna pɩnzɩ hiŋ kagbanzɩ nɛ nakʋ (59) kɛ mbʋ yɔ. Ɖajaa sɔsɔ koosi maɖʋ nɛ maɣzɩm takayasɩ kɩkalasɩ mayʋ ɛnɛ, ɛkɛ abalʋ weyi paaɖɔɔnɛyɩ ɛ-ɛjaɖɛ tɛtʋ taa yɔ. Sakɩyɛ kpa-ɩ size, ɛnʋ kɛna maɣzɩm takayasɩ kɩkalasɩ mayʋ kɔɔnɔɔ tʋ yaa maŋgbaɖa sɩm kɛ kpaɖʋ nɛɛlɛ (20) n̄ɩŋgʋ taa.

Ɛ-takayasɩ maɣzɩm n̄ɩnzɩ kɩkalasɩ nasɩyɛ kɔ-yɔ nɛ Fransɩ kʋnʋŋ taa matʋ taa : Les Gens de Dublin kɛ pɩnaɣ 1914 n̄ɩŋga taa, nɛ Portrait de l'artiste en jeune homme kɛ pɩnaɣ 1916 n̄ɩŋga taa, nɛ pɩtasɩna Ulysse kɛ pɩnaɣ 1922 n̄ɩŋga taa, nɛ pɩtɛmna Finnegans Wake kɛ 1939 n̄ɩŋga taa. Ɖɩɖɔkɩ, sɩze ɛ-takayasɩ kɩmamasɩ ɖɔwa siŋŋ.