Issa Bagayogo
Palʊla Issa Bagayogo kɛ pɩnaɣ 1961 kɛ Korin tɛtʊ taa, piposina Bugunii tɛtʊ ɛzɩ kilomɛtanaa 65 yɔ nɛ pɩkɛna Malii ɛjaɖɛ taa. Ɛsɩba aloma fenaɣ kɩyakʊ nakʊ ŋgʊ wiye pɩnaɣ 2016, ɛɛwɛna 55. E-hendu teu kpaɣ tilila kɛ Malii ɛjaɖɛ sɔŋzɩ taa, pop, rɔɔkɩ nɛ funki pa-taa. Ɛnɛ Ali Farka Touré nɛ Toumani Diabaté pɛ-hendu teu nɩɩzɩma ɖama.
Ɛmakɩ sɔo wena payaɣna Malii taa se kamélé n'goni yɔ camɩyɛ kamaɣ fɛyɩ. Pɩnaɣ 1991 kɛ ɛlɩza ɛ-kacalaɣ hendu teu tataɣ ɛlɛ ɛyaa tasam-kɛ siŋŋŋ. Pɩnzɩ naalɛ taa ɛtasɩ naalɛ ŋga lɩzɩɣʊ, mbʊ ɖɔɖɔ. Ɛtɛzɩ yebʊ pɩtɩŋga nɛ ɛsaɣ lɔɔɖɩyɛ kɛ Pamako tɛtʊ sɔsɔtʊ taa. Pɩlaba mbʊ lɛ, Yves Wernert weyi ɛkalɩza-ɩ ɛ-kacalaɣ tataa yɔ kɛ ɖenɖe payaɣ se Malii K7 yɔ, etosu yem. Ɛya-ɩ nɛ ɛsɔzɩ-ɩ lɔŋ.
Pɩla mbʊ nɛ ɛsɩna-ɩ hɛɛ hɛɛ nɛ ɛlɩzɩ tataɣ nɛ ɛyaa-kɛ se Sya. Tataɣ kɛnɛ ɛyaa pazɩ pɔsɔɔlɩ-kɛ kamaɣ fɛyɩ nɛ pakʊmɩ-ɩ hɩɖɛ se Tɛkno Issa. Pɩnaɣ 2000 ewoba Seine-Saint-Denis, Fransɩ ɛjaɖɛ taa. Mbʊ yebina nɛ papaɣzɩɣ-ɩ. Pɩnaɣ 2002 taa kɛ ɛlɩzɩ ɛ-tataɣ naalɛ ŋga, Timbuktu. Tataɣ ŋga ka-taa ete hendu nɛ ɛyɔɔdɩɣʊ tɔm ndɩ ndɩ ɛzɩ kpaɣʊ nɛ kpeyu yaa efebiya tabakʊyasɩ tɔm.