Hɔɔyɛ taa piye tɛɛ kɛgbɛdɛsaɣ

Pɩlɩɩna Wikipediya

Hɔɔyɛ taa piye tɛɛ kɛna kɛgbɛdɛsaɣ ŋga kapɩzʊ katalɩ alɩwaatʊ ndʊ ɛyʊ ɛɛɖaŋʊ yɔ. Kɛgbɛdɛsaɣ ŋga kapɩzʊ kala ɖenɖe ñɩɩtʊ sɔɔsɔɔ ñɩnʊ sɔsɔm wɛɛ yɔ yaaɖenɖe paɖɩɣna nazɩyʊpee tʊmɩyɛ labʊ yɔ. Kapɩzʊ katalɩ ɖenɖe paɖɩɩna ñɩɩtʊ kpagbaba ñɩndʊ kɛ tɩzʊ yɔ yaa ɖɔɖɔ ɖenɖe paɖɩɩna ñalʊ yaa catʊ ñɩɣtʊ ndʊ tɩpɩzʊ tɩmʊ mɩŋ yɛm yɔ.

Tʊma wena a-taa pɔtɔʊ cɛnzɩ yaa cɛkasɩ yɔ, peeɖe ɖɔɖɔ kɛ hɔɔyɛ taa piye tɛɛ kɛgbɛdasɩ kɩlɩʊ labʊ. Hɔɔyɛ taa piye tɛɛ kɛgbɛdɛsaɣ kɛnɛ kapɩzʊ kala ɖɔɖɔ ɖenɖe pasɩʊ hɔzɩŋ yaa malɩfanaa yɔ ɛzɩ sɔɔjanaa pɩlɩŋ taa.

Kɛwɛ paalepɩkɩlɩna: ɖakʊtanaa taa, hɔɔyɛ taa pee ɖɩñɩnɩyɛ yaa ɖɔɖɔ sanzɩ nɛ kaɖazɩm ɖi-huyiye nɛ ɖɩ-ɖɩpɛdɩyɛ. Hɔɔyɛ taa piye tɛɛ kɛgbɛdɛsaɣ kɛnɛ kapɩzʊ nɛ kala lɩm tɛɛ yaa ñɩɩtʊ ndʊ tɩkpakʊ ɛsɔdaa lɔɔɖa yɔ tiɖeɖe. Ñɩɩtʊ ndʊ tɩyɔkʊʊ lɩm sɔsɔm taa ɖom pe sɔsɔna yɔ.

Hɔɔyɛ taa piye tɛɛ kɛgbɛdɛsasɩ nzɩ, papɩzʊ paɖɩʊ-sɩ kaʊ ɛlɛ pɩwɛɛ se patɩlɩ camɩyɛ ñɩɩtʊ ndʊ tɩ-tɛ hɔ taa pe paɖɩɩna tʊmɩyɛ kɛ labɩunaʊ yɔ. Pɩwɛɛ se pʊcɔ nɛ pesɩu tʊmɩyɛ naɖɩyɛ ɖɩlaɖɛ ɛlɛ, pañɩnɩ mbʊ paapɩzɩ nɛ pala nɛ kɛgbɛdɛsaɣ nakayɩ ɛtaala yɔ yya mbʊ pakpana kpɛdɛɛ taa nɛ paɖɩʊ-kɛ kaʊ yɔ nɛ palʊbɩna-kɛ lɔŋ lɔŋ yɔ.