Guru Granth Sahib
Guru Granth Sahib kɛ Sikhs waa tɛ takayaɣ kiɖeɖeɣa, mba paya-kɛ Guru (yaa ciyam wɩlɩyʊ) maatɛŋ. Ɛ-hɩɖɛ tɔmpee lɩna sanskrit kʊnʊŋ taa, pendjabi nɛ ceu kʊnʊmɩŋ taa. Guru tɔbʊʊ se ɛyʊ weyi ɛlɩzɩ-mɩ cɩkpɛndʊʊ taa nɛ ewokina-mɩ mʊntʊsʊʊ taa yɔ, Gu tɔbʊʊ se cɩkpɛndʊʊ, ŋgʊ ru tɔbʊʊ se mʊntʊsʊʊ.
Granth tɔbʊʊ se takayaɣ kiɖeɖeɣa (palɩzɩ Granth tɔbʊʊ kɛlɛʊ se takayaɣ nɛ Sikh waa tɔŋ se pɩkɛɛ kaañamtʊ alɩwaatʊ ndʊ ɛyʊ yɔɔdʊʊ Guru Granth Sahib tɔm yɔ, ŋgʊ alɩwaatʊ kʊyʊmtʊ ndʊ tɩyɔɔ penjabi tɩnaa tɛ lɛ Granth tɔbʊʊ se takayaɣ kɩkalaɣ, ( tɔmpiye nɖɩ palɩzɩ-ɖɩ ceu kʊnʊŋ taa nɛ tɩwɛɛ ɖɔɖɔ hindi kʊnʊŋ taa) nɛ pʊ-tɔbʊʊ se ɛgbaɣtʊ, tabalʊ, kɛlɛ palɩzɩ tɩ-tɔbʊʊ mbʊ se wɩlɩyʊ Guru takayaɣ kɩkalaɣ.
Tanaŋ nɛ ɖanaɣ ewelesiɣ Sikhs tɔm mʊyaa cɔlɔ, mba payaɣ se gurdwaras waa. Sikhs ɛyaa luŋuu ɛ-tɛɛ, nɛ eyeke etukuna altaro Ɛsɔ sɛtʊ kpaŋ taa, eyeke pɛcɛla-kʊ. Ɛyaa ñaŋɩɣ-ɩ ɛzɩ gourou weyi nɛ ɛ-ɛsɛ yɔ. Ɛkɛ guru hiu nɛ kʊyʊm ñɩnʊ. Guru Nanak (pɩnzɩ 1469-1539), kajalaɣ gourou Sikh tɩnaa tɛ ɛnʊ kaalɛna paɣzɩ maʊ. Guru Granth Sahib takayaasɩ tɩŋa kaawɛna takayɩ hatʊ 1430.
Takayɩ hatʊ 1430 nzɩ Guru Arjan ɖʊ-sɩ pɩnaɣ 1604 takayasɩ lɛɛsɩ taa (ɛyʊ ɛnʊ ɛnʊ kɛna kagbanzɩ tʊ kɛ mba pɛlɛɛza Guru Nanah yɔ) nɛ ɛkpaɣ hɩɖɛ se Adi Granth. Pʊwayɩ yɔ pɩnaɣ 1705 Guru Gobind Singh tɛza tʊ nɛ ɛsɔzʊʊ ɛ-caa Guru Tegh Bahadur weyi ɛlɛza-ɩ yɔ ɛ-tɛ hama keɣsi tɔm. Pʊcɔ ɛsɩ pɩnaɣ 1708 lɛ, Guru Gobind Singh pa hulaɣ Sri Guru Granth Sahib se eyeke koŋ ɛkɛʊna e-lone taa caɣyʊ ɛ-sɩm wayi.