Gabriel García Márquez

Pɩlɩɩna Wikipediya
Aller à la navigation Aller à la recherche
Gabriel Garcia Marquez

Palʋla Gabriel García Márquez kɛ lakɩŋ fenaɣ kɩyakʋ 6 wiye pɩnaɣ 1927 ñɩŋga taa kɛ Arakataka tɛtʊ taa, kolombii ɛjaɖɛ taa. Mɛkɩsiki tɛtʊ taa ɛsɩba ɖomaɣ fenaɣ 17 wiye pɩnaɣ 2014, ɛɛwɛna pinzɩ 87. Ɛ-pɩcatʋ taa ɛɛkɛ pɩɣa ŋga kɛwɛ lɛɣtʋ siŋŋ yɔ. Ɛ-hɩɖɛ maɣmaɣ kɛlɛ Gabriel José de la Concordia García Márquez.

Ɛ-tʊma kacalaɣ ñɩna kɔyɔ: takayɩsɩ kɩkalasɩ maʊ nɛ kataɣzasɩ tɔm maʊ pɩnɛ eseɣɖe tɔm heyu. Ɛkɛ ɖɔɖɔ politiki sazɩyʊ-tʊ sɔsɔ nɔɔyʊ. Pɩnaɣ 1982 taa kɛ paha-ɩ wɛɛ naayɛ taa takayɩ lɔnsɩnɖɛ nɛ sɩmaʊ samtʊ nimiye. Ɛ-ɛjaɖɛ taa, pɩkɩlina Amerika nɛ haɖe kiŋ payaɣ-ɩ yem se Gabo nɛ pɩnzɩ XX taa ɛwɛ takayɩsɩ lɔnsɩnɖa mba pa-hɩla kɩla sɛʊ nɛ mba pakɩla-wɛ sɔɔlʊ yɔ pa-taa. Asɣla takayɩsɩ maya kɛtɩɣna-ɩ nɛ François Rabelais, Miguel de Cervantes yaa ɛzɩ Victor Hugo yɔ, pɩlɩɩna matʊ nɖʊ ɛmaɣ yɔ tɩ-yɔɔ.

Gabriel Garcia Marquez signature

kɛŋna kacalaɣ pɩɣa kɛ pɩya 11 taa. Ɛ-caa kɛ payaɣ se Gabriel Eligio García (1901-1984) nɛ e-ɖoo kɔyɔ Luisa Santiaga Márquez Iguarán (1905-2002). Palʊla-ɩ lɛ, tɛʊ nɛ heelim nabʊyʊ kɛwɛɛ nɛ pɔhɔkɩ ɛ-sɔndʊ nɛ ɛmaɣmaɣ e-pondone nɛ powona-ɩ fɛɖaatɛ. Mbʊ yebina nɛ ɛwɛɛna kkudoŋ nakʊyʊ: ɛtɔsɔɔlɩ se ɛwɛɛ eɖeke yaa cɩkpɛndʊ taa. Palʊla-ɩ pɩtɛ wɛtʊ taa mbʊ lɛ, ɛ-caa weyiu ɛɛkɛ polindaa takayɩsɩ manayʊ yɔ, ɛtɩ yebu ɛ-tʊmɩyɛ nɖɩ nɛ ɛpɩsɩ ɖakʊta taa kɔ pɛdɩyʊ.

Gabriel García Márquez plaque - Rue Cujas, Paris 5

Kɔlaɣ fenaɣ taa kɛ pɩnaɣ 1929 ɛ-caa nɛ e-ɖoo pɛɖɛParankiya tɛtʊ taa pɩyele Gabriel nɛ ɛ-cɔzɔnaa kɛ Arakatara peeɖe. Mba pɔdɔka-ɩ nɛ ɛpaɣlɩ yɔ, mba lɛ: Doña Tranquilina Iguarán Cotes de Márquez (1863-1947) nɛ sɔɔja sɔsɔ kolonɛɛlɩ Nicolás Ricardo Márquez Mejía (1864-1937). Layʊ sɔsɔ weyi payaɣ-ɩ se Angarita yɔ, ɛnʊ ɛsɔna-ɩ ɛsɔ tɛ lɩm lakɩŋ fenaɣ kɩyakʊ 27 wiye pɩnaɣ 1930 kɛ Arakata ɛsɔ kpaaŋ taa.