Fiodor Dostoïevski
![](http://upload.wikimedia.org/wikipedia/commons/thumb/6/64/Fjodor_Michailowitsch_Dostojewski.jpg/220px-Fjodor_Michailowitsch_Dostojewski.jpg)
Fiodor Mikhaïlovitch Dostoïevski kɛ Ruusi tʋ. Palʋla-ɩ kamɩŋ fenaɣ kɩyakʋ niidozo (30) n̄ɩŋgʋ wiye, pɩnaɣ 1821 n̄ɩŋga taa. Mɔsɩkʋʋ tɛtʋ taa ɛsɩba kamɩŋ fenaɣ kɩyakʋ fenaɣ kɩyakʋ nɛɛlɛ nɛ lutozo (28) ñɩŋgʋ wiye, pɩnaɣ 1881 taa Saint-Petersbourg tɛtʋ taa. Pʋ-tɔbʋʋ se ɛsɩba ɛ-pɩnzɩ nɩɩnʋwa nɛ hiu (60) ñɩnga taa. Fyodor Dostoyevsky laba tʋmɩyɛ yɔ, peeɖe payaɣ se Petɛsburgii kiɖeɖeu tɛtʋ taa.
![](http://upload.wikimedia.org/wikipedia/commons/thumb/b/b4/Fyodor_Mikahailovich_Dostoyevsky%27s_Study_in_St_Petersburg.jpg/220px-Fyodor_Mikahailovich_Dostoyevsky%27s_Study_in_St_Petersburg.jpg)
Fiodor Mikhaïlovitch Dostoïevski kɛ takayasɩ mayʋ sɔsɔ siŋŋ nɔɔyʋ. Ɛkɛ ɖɔɖɔ ñʊʊtaa lɔŋsɩnɖɛ kpɛlɛkɩyʊ sɔsɔ nɔɔyʋ ɖɔɖɔ. Ɛ-takayɩsɩ ɖukina pɩdɩɩfɛyɩ takayɩsɩ mayaa sɔsaa lalaa nɛ ñʊʊtaa lɔŋsɩnɖɛ kpɛlɛkɩyʊ sɔsɔ sakɩkɩyɛ tuɖe ajɛya taa. Ɛ-takayɩsɩ yeba nɛ pɩlɛɣzɩ maɣzɩm sɔsɔm ndɩ ndɩ hɔɔlɩŋ nɛ lona ndɩ ndɩ taa.
![](http://upload.wikimedia.org/wikipedia/commons/thumb/5/52/Dostoevski_grave_at_Alexander_Nevsky_Monastry.jpg/220px-Dostoevski_grave_at_Alexander_Nevsky_Monastry.jpg)
Fiodor Mikhaïlovitch Dostoïevski tɔɔ kʋn̄ɔŋ siŋŋ ɛ-pɩcatʋ taa. Ɛpaɣla ɛlɛ ɛsʊʊ sɔɔjɛɛtʊ. Pɔkɔɔ pakpa-ɩ paɖʋ salaka agoza fenaɣ taa, pɩnaɣ 1849 ñɩŋga taa. Mbʊ pʊyɔɔ yɔ, ɛɛwɛ politiki ŋgbɛyɛ nɖɩ ɖɩñɩnaɣ pɛ-ɛjaɖɛ ɛsɩnda wobunaʊ yɔ ɖɩ-taa. Pɩɩwɛɛ se pakaɣ-ɩ kʋʋ, ɛlɛ, pɔkɔɔ peyebi-i. Pɩwayɩ lɛ, ɛpɩsɩ sɔɔjanaa pɩlɩʋ taa tʋmlaɖʋ sɔsɔ nɔɔyʋ. Sɔɔjanaa pɩlɩʋ taa tʋmɩyɛ nɖɩɩ eyeba nɛ ɛpɩsɩ takayasɩ mayʋ.
Fiodor Mikhaïlovitch Dostoïevski kɛ naalɛ pɩɣa ɛ-caa cɔlɔ. Payaɣ ɛ-caa se Mikhaïl Andréiévitch Dostoïevski. Ɛ-caa ɛnʋ, ɛkɛ sɔɔjanaa fɛɖʋ sɔsɔ Mɔskʋʋ tɛtʋ taa. Fiodor Mikhaïlovitch Dostoïevski ɖoo payaɣ size Maria Fiodorovna Netchaïev. Esɔsɛya mba mba payaɣ-wɛ se Maacɔwaa yaa menze man-ɖaɣwaa nɛ payaɣ peeɖe se Alexander Neyiskii yɔ, peeɖe pepima-ɩ.