Egipiti piyisi

Egipiti taa kɛ piyisi kɩla ɖɔʊ nɛ ɖeu pɩkilina peeɖe ɖooo caanaʊ taa piyisi nzɩ sɩkaza nɛ paaɖɩɩna-sɩ naʊ yɔ. Piyaɣ kɛna atʊ natʊyʊ nɛ tɩwɛ tɛlɛŋzɩ tɩyɛ nzɩ sɩtana ɖama yɔɔ yɔ. Pʊwɛ ɖɔɖɔ ɛzɩ tambaɣ kɛ patɩna ɖama yɔɔ yɔ ɛlɛ pɩtɩ kuduyuu ŋgʊ kɩwɛna hɔɔlɩŋ sakɩyɛ nɛ paa hɔɔlʊ ŋgʊ lɛ, kɩwɛna siwa naatozo piyele pɩkpa peɣbeɣ. Egipiti taa piyisi nzi pakɩlʊna maɣzʊ yɔ, nzɩ lɛ Jiize piyisi nzi sɩkpɛnda naatozo yɔ.

Ɖooo lɔndalɛ, piyisi taa pepiŋgaɣ awiya nɛ pʊwayɩ yɔ, wiyau nɛ ɛwayɩ tɩŋgɩya ɖeke pɩha waɖɛ se pepi ɩ-taa. Awiya taa lɛ, Khéops kɛŋna kacalaɣ-tʊ weyi ɛha waɖe kɛ ɛ-halaa se pama-wɛ piyisi nɛ pepim-wɛ sɩ-taa yɔ. Pamaaʊ awiya nɛ abila kɛ piyisi yɔ pacanʊ-sɩ camɩyɛ nɛ sɩwɛ ɖɔɖɔ ndɩ ndɩ. Piyaɣ nakakɩyɩtaa lɛ, nʊmʊŋwɛ sakɩyɛ nɛ pɛtɩ ɩ-hɛkʊ taa kɛ kolonzi ndɩ ndɩ. Nasɩyɛ lɛ kaaŋ kɛ pakaa nɛ pɩkpa camɩyɛ.Wiyau weyi payaɣ-ɩ se Khéops yɔ, eyeba nɛ palabɩ-ɩ piyaɣ nakayɩ nɛ payaɣ-kɛ se Jiize. Piyaɣ ŋga kɛwɛ ɖeu nɛ kɛwɛ ɖooo caanaʊ taa tɔsɩŋ lʊbɛ weyi ɩkala ɖɛu yɔ ɩ-taa.

Payaɣ piyaɣ nakayɩ se mastaba nɛ kɛna hɔɔlɩŋ sɔsɔŋ naanza ɩwɛ kɩmaŋ naalɛ naalɛ. Mastabawaa nɛ piyisi pɛ-hɛkʊ taa tʊkaɣtakɩlɩ wɛʊ ɛlɛ ɛzɩma pama-wɛ nɛ pakʊyɩ camɩyɛ nɛ pɩwɩlɩ wiyau faraɔŋ kewiitu ɖoŋ yɔ, mbʊ paanɩaɛñɩnʊ. Piyaɣ ŋga kakɩlɩ pɩnʊ nɛ ɖeu yɔ, ŋga lɛ Djeser piyaɣ nɛ kɛwɛ Sakara. Piyaɣ kɛnɛ kɛ-tɛ kpalahʊwa lʊyʊ nɛ kamayʊ kɛ payaɣ se Imhotep. Ɛyʊ nɛ ɛma pʊ ŋgʊ kʊkʊyɩ camɩyɛ nɛ pɩwɩlʊ se ɛyʊ kʊyʊ kedeŋa yɔɔ lɛ, ɛkpaɣnja ɛsɔtaa.