Antonio Vivaldi

Pɩlɩɩna Wikipediya
Antonio Vivaldi

Informa
Ɛ-ɛjaɖɛ Itaalii
Ɛ-tʋmɩyɛ soo maɖʋ sɔɔ
Ɛ-ɖɩlʋlɩyɛ Feeniizi, Itaalii
E-efemiye kɩlʋlɩyɛ Ɖomaɣ fenaɣ 4 wiye, pɩnaɣ 1678.
Ɛ-ɖɩsɩbɩyɛ Fɩyɛɛnɩ, Otirisi
E-efemiye kɩsɩbɩyɛ Hasɩyaɖɛ fenaɣ 28 wiye, pɩnaɣ 1741

Ɖajaa weyi payaɣ se Antonio Lucio Vivaldi yɔ, ɛkɛ Itaalii ɛjaɖɛ pɩɣa. Palʋla-ɩ lakɩŋ fenaɣ kɩyakʋ naanaza (4) n̄ɩŋgʋ wiye, pɩnaɣ 1678 n̄ɩŋga taa Venise tɛtʋ taa.

Ɛsɩba hasɩyaɖɛ fenaɣ kɩyakʋ nɛɛlɛ nɛ lutozo (28) n̄ɩŋgʋ wiye, pɩnaɣ 1741 n̄ɩŋga taa Vienne tɛtʋ taa. Ɖajaa Antonio Lucio Vivaldi kɛ wondu luɖu nɛ fiyoolɔɔ maɖʋ sɔsɔ Itaalii ɛjaɖɛ taa. Fiyoolɔɔ wɛtʋ wɛ ɛzɩ kabɩyɛ taa mbʋ ɖɩyaɣ se cɩmʋʋ yɔ.

07 - Vivaldi Autumn mvt 1 Allegro - John Harrison violin

Ɖajaa Antonio Lucio Vivaldi kɛ ɖɔɖɔ Ɛsɔ tɛ laʋ Ɛsɔ sɛtʋ cejewiye katolika taa. Eyeba nɛ pasɩmɩ-ɩ siŋŋ ɛ-kpaɖʋʋ taa pɩlɩɩna ɛ-cɩmʋʋ mabʋ yɔɔ. Ɛkɛ ɖɔɖɔ Itaaalii ɛjaɖɛ taa kajalaɣ Ɛsɔ wendu luɖaa taa tʋ nɔɔyʋ.

Fiyoolɔɔ mabʋ nʋmɔʋ taa ɖɔɖɔ lɛ, Fada Antonio Lucio Vivaldi fɛyɩna ɖaɣʋ. Pʋwɛ ɛzɩ palʋla-ɩ nɛ tʋmɩyɛ nɖɩ, ɛtɛkpɛlɛkɩ-ɖɩ kɩkpɛlɛkʋ yɔ. Aseɣɖe lɩzɩyaa sakɩyɛ tɔŋ se Fada Antonio Lucio Vivaldi ɖɛna nɔɔ fiyoolɔɔ mabʋ nʋmɔʋ taa ɛ-kpaɖʋʋ tɩŋa taa.

Papɩzɩɣ pɛkɛdɩ Fada Antonio Lucio Vivaldi tʋma nɛ Ɖajaa Bach ñɩna. Ɛlɛ kɛ kɛkɛ fiyoolɔɔ maɖʋ sɔsɔ nɛ wendu luɖu nɛ minziki maɖʋ kɩkpaɖʋ ɛlɛ tɛ kpaɖʋʋ taa.