Anton Tchekhov

Pɩlɩɩna Wikipediya

Anton Pavlovitch Tchekhov kɛ Ruusi tʋ. Ɛkɛ abalʋ ma-hɩɖɛ sɛwa weyi ɛwɛna tandaʋ siŋŋ kɛ ɛ-tamaɣ tɛɛ yɔ. Ɖajaa ɛnɛ, ɛkɛ abalʋ weyi ɛfɛyɩ felendu kpataa yaa kaʋ yɔ. Ɛlaba n̄ʋdaa maɣzɩm tʋma sakɩyɛ ndɩ ndɩ.

Ɖeɖe tɔm takayasɩ taa mayaa nabɛyɩ tɔŋ size, palʋla ɖajaa ɛnɛ kɔlaɣ fenaɣ kɩyakʋ nɛɛlɛ nɛ nakʋ (29) n̄ɩŋgʋ wiye, pɩnaɣ 1860 n̄ɩŋga taa. Ɛlɛ, lɛlaa n̄ɔtɔŋ size, pɩtɛkɛ kɔlaɣ fenaɣ nɛɛlɛ nɛ nakʋ (29) n̄ɩŋgʋ wiye, ɛlɛ, kɔlaɣ fenaɣ kɩyakʋ hiu nɛ lʋbɛ n̄ɩŋgʋ wiye, pɩnaɣ kʋɖʋmaɣ ŋga ka-taa.

Ɖusi ɛjaɖɛ tɛtʋ taa peeɖe kɛ kooka yaa egeetiye nɖɩ payaɣ-ɖɩ size Taganrog yɔ ɖɩ-taa peeɖe palʋla ɖajaa Anton Pavlovitch Tchekhov. Ɛkɛ n̄amtʋ pɩɣa ɛ-taabalaa nɛ ɛ-samaɣ ŋga ɛwɛ ka-taa yɔ kɛ-sɩnda. Ɛ-pɩcatʋ taa ɛɛkɛ pɩɣa ŋga kɛwɛ lɛɣtʋ siŋŋ yɔ.

Ɖajaa sɔsɔ Anton Pavlovitch Tchekhov ɛsɩba hasɩyaɖɛ fenaɣ taa kɩyakʋ hiu nɛ kagbaanzɩ (15) n̄ɩŋgʋ wiye, pɩnaɣ 1904 n̄ɩŋga taa. Kooka yaa egeetiye nɖɩ ɖɩ-taa ɛsɩba yɔ, nɖɩ payaɣ size Badenweiler kɛ Caama ɛjaɖɛ tɛtʋ sɔsɔ tʋ taa. Ɛsɩkaɣ lɛ, ɛɛwɛna pɩnzɩ hiŋ naadozo nɛ loɖo (36) kɛ mbʋ yɔ.

Ɖajaa sɔsɔ Anton Pavlovitch Tchekhov kɛ tʋma sakɩyɛ laɖʋ. Ɛkɛ maɣzɩm takayasɩ kɩkalasɩ mayʋ sɔsɔ nɔɔyʋ siŋŋ kɛ ɛ-ɛjaɖɛ Ɖusii tɛtʋ taa. Ɛtɛ ɛkɛ takayasɩ kɩkalasɩ ndɩ ndɩ mayʋ sɔsɔ nɔɔyʋ. Ɛnʋ kɛna ɖɔɖɔ, cɩmmɖɛ yaa sawɩla takayasɩ tɔm mayʋ. Ɛkɛ tɔm kɩmamatʋ taa tazɩyʋ.

Ɖajaa sɔsɔ Anton Pavlovitch caa payaɣ size Pavel Iegorovitch Tchekhov. Ɛlɛ kɛ ɛyʋ kiɖi kiɖi tʋ. Ɛyʋ kiɖi kiɖi tʋ ɛnɛ, ɛ-halʋ lɛ Evguenia Iakolevna Morozova. Ɛlɛ lʋlɩna ɖajaa Anton Tchekhov. Ɖajaa sɔɔ ɛnɛ, ɛ-tabalaa nabɛyɛ hɩla kɔyɔ : ɖajaa Ivan Bounine, nɛ ɖajaa Maxime Gorki, nɛ ɖajaa Fédor Chaliapine, nɛ ɖajaa Alexeï Souvorine, nɛ e-gbele ɖajaa Mikhaïl Tchekhov.