Angela Merkel

Pɩlɩɩna Wikipediya
Angela Merkel
Merkel cropped.jpg
Informa
Ɛ-ɛjaɖɛ Caama
Ɛ-tʋmɩyɛ Ɛjadɛ ñʋʋdʋ
Ɛ-ɖɩlʋlɩyɛ Hamburg, Caama
E-efemiye kɩlʋlɩyɛ Hasɩ yaɖɛ fenaɣ 17 wiye, pɩnaɣ 1954
Ɛ-ɖɩsɩbɩyɛ
E-efemiye kɩsɩbɩyɛ
Angela Merkel Signature.svg

Angela Dorothea Merkel kɛ ɛjaɖɛ nɖɩ payaɣ-ɖɩ size Caama ɛjaɖɛ yɔ ɖɩ-tɛtʋ taa pɩɣa yaa ɖɩ-ɛjaɖɛ taa tʋ. Ɛkɛ halʋ sɔsɔ nɔɔyʋ. Palʋla-ɩ hasɩyaɖɛ fenaɣ taa kɛ efemiye yaa kɩyakʋ hiu nɛ lʋbɛ (17) n̄ɩŋgʋ wiye kɛ pɩnaɣ 1954 n̄ɩŋga taa. Ɛ-pɩcatʋ taa mbɩ yɔɔ lɛ, ɛɛkɛ pɛlɛ weyi ɛɛwɛna lɔŋ siŋŋ kɛ ɛ-taabala pɛlaa lalaa cɔlɔ yɔ.

Egeetiye nɖɩ ɖɩ-taa ɛsɩba yɔ, nɖɩ payaɣ size Hambourg kɛ Caama ɛjaɖɛ nɖɩ ɖɩ-taa peeɖe. Ɛkɛ halʋ sɔsɔ siŋŋ kɛ halaa sakɩyɛ taa. Ɛkɛ Caama kewiyaɣ taa halʋ tʋmɩyɛ laɖʋ sɔsɔ nɔɔyʋ. Ɛkɛ kewiisi ndɩ ndɩ kpɛndʋ tɔm hʋʋ nɔɔ yɔ ɖɛʋ kɛ pɩgbaʋʋ nɛ ɖoo pɩnaɣ 2005 n̄ɩŋga taa yɔ. Ɛhʋʋ tɔm camɩyɛ siŋŋ, nɛ samaɣ tayɩ liuu siŋŋ. Tovonum taa lɛ , ɛkɛ samaɣ waɖɛ yɔɔ kandɛyʋ halʋ kɔɔnɔɔ yaa kajalaɣ tʋ.

Ɖoɖoo sɔsɔ ɛnɛ, ɛkɛ ɖɔɖɔ, tomnasɩ ɖɔnɛ tʋmɩyɛ kpɛlɛkɩyʋ, nɛ ɛkɛ Ɛsɔ sɛɣya ŋgbɛ nɖɩ ɖɩcɔŋna samaɣ waɖɛ yɔɔ lɩmaɣza kandɛyʋ yɔɔ yɔ ɖɩ-taa tʋ. Ŋgbɛ nɖɩ payaɣna Fransɩ kʋnʋŋ taa size Union chrétienne-démocrate nɛ payaɣ-ɖɩ kɛlɛʋ nɛ tɔm pe masɩ sɩnɛyɔ : CDU. Ɖoɖoo Angela Dororthea ɛnɛ, ɛkɛ minisi halɩn̄ɩnʋ sɔsɔ weyi ɛcɔŋna halaa nɛ evebiɖe yaa evebitu tɛ tʋmɩyɛ webinau nɛ ɛsɩŋdaa yɔ n̄ʋʋ tʋ.

Halʋ n̄ʋʋ tʋ ɛnɛ, ɛ-tʋmɩyɛ ɖɩcaɣyɛ kɛlɛ nimeɣwa cikpelaɣ ŋga payaɣ kɛ size Kohl IV yɔ. Ɛcaɣ tʋmɩyɛ taa peeɖe pɩnzɩ naadozo (3), pɩnaɣ 1991 n̄ɩŋga taa ɛsʋwa nɛ ɛlɩɩ pɩnaɣ 1994 n̄ɩŋga taa. Ɛkʋyɩna tʋmɩyɛ nɖɩ ɖɩ-taa lɛ ɛpɩsaɣ minisi weyi ɛcɔŋna mbʋ pɩcɔ ɖʋ kpɛɛɛ nɛ pɩta yɔ pɩ yɔ. Ɛnʋ cɔŋgana ɖɔɖɔ ɖeu tɛtɛɛ n̄ɩm labɩnaʋ camɩyɛ nʋmɔʋ tʋma kpeekpe yɔɔ kɛ nimeya cikpelaɣ Kohl IV tɛ tʋma taa.

Ɖoɖoo sɔsɔ lɔŋ tʋ ɛnɛ, ɛcɔŋnana ɖɔɖɔ, hɔyɛ taa piye nɖɩ payaɣna Fransɩɩ kʊnʊŋ taa Nucléaire ɖɩlɩʋ nɛ ɖɩlabɩnaʋ tʋmɩyɛ hɔɔlʋʋ taa kɛ Kohl IV nimeya cikpelaɣ tɛɛ peeɖe tʋmɩyɛ taa pɩkɔ pɩsɩɩna pɩnaɣ 1998 n̄ɩŋga taa. Ɖoɖoo sɔsɔ Angela Merkel ɛnɛ, ɛ-tʋmɩyɛ camɩyɛ labʋ yɔɔ, ɛ-lɩmaɣza kɩpana sɔzʋʋ kɛ tʋma wena ɛlaba payɩ yɔ a-taa, nɛ pɩtasɩna ɖɔɖɔ nimeya cikpelaɣ kanɛ ka-tʋma tɩlɩʋ yaa sɩm yɔɔ lɛ, pahayɩ samtʋ nimiye halaa kpeekpe taa.

Ɛsɔ sɛɣya ŋgbɛ nɖɩ ɖɩcɔŋna samaɣ waɖɛ yɔɔ lɩmaɣza kandɛyʋ yɔɔ, nɛ payaɣ-ɖɩ Fransɩɩ kʊnʊŋ taa size CDU yɔ, pɩkɔma pɩnaɣ 2000 n̄ɩŋga taa lɛ, pakpa-ɩ yaa palɩzɩɩ size ɛkɛ n̄ʋʋ tʋ halɩn̄ɩnʋ kɔɔnɔɔ yaa kajalaɣ tʋ kɛ ŋgbɛ nɖɩ ɖɩ-taa. Ɛnʋ cɔŋgana tʋma kpeekpe wena palakaɣ Ɛsɔ sɛɣya ŋbgɛ CDU ɖɩnɛ ɖɩ-tʋma yɔɔ, pɩgbaʋ nɛ pɩnaɣ 2000 n̄ɩŋga taa yɔ.

Kamɩŋ fenaɣ kɩyakʋ yaa evemiye nɛɛlɛ yaa hiŋ naalɛ nɛ naalɛ (22) n̄ɩŋgʋ wiye kɛ pɩnaɣ 2005 n̄ɩŋga taa kɛ, paakpa-ɩ yaa paalɩza-ɩ size ɛkɛ Caama ɛjaɖɛ kewiya taa tɔm hʋyaa n̄ʋʋ tʋ. Halʋ sɔsɔ ɛnʋ paalɩza pɩnaɣ 2006 n̄ɩŋga taa size, ɛnʋ kɛna halaa taa halʋ weyi ɛkɩla ɖoŋ kɛ kedeŋa yaa ɛjaɖɛ yɔɩo yɔ.