Abdou Diouf
| Abdou Diouf | |
 | |
| Informa | |
| Ɛ-ɛjaɖɛ | Senegaalɩ |
| Ɛ-tʋmɩyɛ | Ɛjaɖɛ ñʋʋdʋ |
| Ɛ-ɖɩlʋlɩyɛ | Louga, Senegaalɩ |
| E-efemiye kɩlʋlɩyɛ | Salaŋ fenaɣ 7 wiye, pɩnaɣ 1935 |
| Ɛ-ɖɩsɩbɩyɛ | |
| E-efemiye kɩsɩbɩyɛ | |
Palʋla ɖajaa Abdou Diouf salaŋ fenaɣ kɩyakʋ lʋbɛ ñɩŋʋ wiye, pɩnaɣ 1935 ñɩŋa taa. Senegaalɩ ɛjaɖɛ taa palʋla-ɩ, Louga tɛtʋ taa. Ɖajaa Abdou Diouf kɛkɛ Senegaalɩ ɛjaɖɛ kewiyaɣ taa tʋ.
Ɛɛcalɩ kɛʋ Senegaalɩ ɛjaɖɛ kewiyaɣ nɔɔ ɖɛyʋ. Pʋ-wayɩ lɛ, pɔtɔ caca Senegaalɩ ɛjaɖɛ taa, ñʋʋdʋ Léopold Sédar Senghor sɩm wayɩ nɛ palɩzɩ-ɩ nɛ ɛpɩsɩ ɛjaɖɛ ńɖɩ ɖɩ-ñʋʋdʋ.
Ɖajaa Abdou Diouf kɛ Senegaalɩ ɛjaɖɛ ñʋʋdʋ, kpaɣ pɩnaɣ 1981 nɛ puwolo pɩsɩɩna pɩnaɣ 2000 ñɩŋa taa. ñʋʋdʋ Abdou Diouf alɩwaatʋ taa Senegaa ɛjaɖɛ tɔsʋʋ ɖɛna ɛsɩndaa pɩdɩɩfɛyɩ. Ɛ-alɩwaatʋ taa ɖɔɖɔ ɛyʋ waɖɛ yɔɔ kandɩyʋ nɛ temokrasii pa-tʋma kpa ɖoŋ ɖɔɖɔ. Eyeba ɖɔɖɔ nɛ pasɩɩ Senegaalɩ ɛjaɖɛ tʋma sɔsɔna ñʋŋ paa ɛjaɖɛ ńɖɩ ɖɩ-tɛtʋ ndʋ tɩ-taa.
Ɛlʋba ɖɔɖɔ nɛ panɩɩ ɛ-ɛjaɖɛ taŋ kedeŋa yɔɔ. Pʋ-tɔbʋʋ se ɛsʋ ajɛya kpeekpe taa nɛ ɛlʋ ɛ-ɛjaɖɛ tʋma wobinaʋ ɛsɩndaa nʋmɔʋ taa. Ɛlʋba siŋŋ ɖɔɖɔ nɛ Afrɩka ajɛya kpeekpe ɖama nɩnaʋ nɛ ɖama sɩnaʋ ŋgbɛyɛ ɖʋʋ pa-tʋma wobina ɛsɩndaa nɛ pɩkɩlɩ.
Ɛ-lʋɖɛ nɖɩ ɖɩ-nʋmɔʋ taa pɔkɔma palɩzɩ-ɩ nɛ ɛkɛ kedeŋa kpeekpe ajɛya wena a-taa pɔyɔɔdʋʋ fransɩɩ kʋnʋŋ yɔ a-ŋgbɛyɛ takayaɣ taa mayʋ sɔsɔ. Abdou Diouf kɛ ŋgbɛyɛ ńɖɩ ɖɩ-takayaɣ taa mayʋ, kpaɣ pɩnaɣ 2000 nɛ puwolo pɩsɩɩna pɩnaɣ 2015 ñɩŋa taa.