Youlou Mabiala

Pɩlɩɩna Wikipediya
Sauter à la navigation Sauter à la recherche

Youlou Mabiala yaa « Le Prince » yaa ɖɔɖɔ « YM » kɛna Koŋgo Brazavili ɛjaɖɛ taa hendu teyu sɔsɔ nɔɔyʊ nɛ rumba kɛ eteɣ. Palʊla-ɩ lakɩŋ fenaɣ kɩyakʊ loɖo wiye pɩnaɣ 1947 kɛ Prazavili tɛtʊ taa. Ɛ-hɩɖɛ sɔsɔyɛ kɔyɔ Gilbert Youlou Mabiala. Hendu teu ŋgbɛyɛ nɖɩ payaɣ-ɖɩ se Les Mains blanches yɔ, ɖɩ-taa kɛ ɛpaɣzae-hendu teu pʊcɔ ɛkɔɔ ɛsʊʊ nɖɩ payaɖɩ se Les griots yɔ ɖɩ-taa. Pɩnaɣ 1963 kɛ Franco mʊ-ɩ ɛnɛ Celi Bitsou kɛ TP OK Jazz, Léopoldville taa. Peeɖe kɛ hendu teya sɔsa pɛnɛ, Simaro nɛ Vicky Longomba, pahayɩsa-ɩ camɩyɛ nɛ ɛkpa ɖoŋ.

Ɛ-nɔɔ taa nɛ leleŋ ɛzɩ sʊmaɣ ŋga payaɣ-kɛ se ɛdɛyɛ yɔ. Kpaɣna pɩnaɣ 1966 kɛ ɛpaza ɛlɩzɩ tatas; ikamaɣ fɛyɩ. Obimi mbwe, Babotoli ngai yo, Mpungu ya bolingo, Nakoluka yo ba nzela nioso, Dodo tuna motema, Nakopesa yo motema, Billy ya ba fiancées.

Pɩnaɣ 1972 taa kɛ ɛna hendu teya sakɩyɛ lɩ OK Jazz ŋgbɛyɛ taa nɛ patʊlɩ nɖɩ payaɣ-ɖɩ se Lovy du Zaïre, ŋgbɛyɛ nɖɩ Vicky Longomba kɛŋna ñʊʊdʊ yɔ. Pɩnaɣ 1974 taa kɛ ɛna hendu teya pɛnɛ Jean Kwamy Munsi, Diatho Lukoki, Djuke, Master mwana Kongo nɛ Nona Simon paɖʊ hendu teu ŋgbɛƴɛ naɖɩyɛ nɛ payaa-ɖɩ se Somo-SDomo. Pɩnaɣ 1976 kɛ e-hendu teu kpaɣ ɖoŋ camɩyɛ nɛ ɛ-tataɣ ŋga ɛlɩza nɛ ɛyaa-kɛ Kamikaze. Pʊwayɩ ɛlɩza lɛɛsɩ ɖɔɖɔ ɛzɩ Bisalela, Radio-trottoir, Fariya.