Vladimir Nabokov

Pɩlɩɩna Wikipediya
Sauter à la navigation Sauter à la recherche

Vladimir Vladimirovitch NabokovRuusi tʋ. Ɛkɛ abalʋ weyi ɛfɛyɩ felendu kpataa yaa kaʋ yɔ. Palʋla-ɩ kɛ Ɖoma fenaɣ taa kɛ evemiye yaa kɩyakʋ nɛɛlɛ nɛ naalɛ yaa hiŋ naaalɛ nɛ naalɛ (22) n̄ɩŋgʋ wiye kɛ pɩnaɣ 1899 n̄ɩŋga taa. Lalaa n̄ɔtɔŋ size ɖomaɣ fenaɣ efemiye yaa kɩyakʋ hiu (10) n̄ɩŋgʋ wiye palʋla-ɩ kɛ pɩnaɣ 1899 n̄ɩŋga kʋɖʋma ŋga ka-taa. Ruusi ɛjaɖɛ tɛtʋ taa peeɖe kɛ kooka yaa egeetiye nɖɩ payaɣ-ɖɩ size Sɛɛpetɛrsbuuri yɔ ɖɩ-taa peeɖe palʋla ɖajaa Vladimir ɛnʋ.

Ɛkɛ n̄amtʋ pɩɣa ɛ-taabalaa nɛ ɛ-samaɣ ŋga ɛwɛ ka-taa yɔ kɛ-sɩnda. Ɛ-pɩcatʋ taa ɛɛkɛ pɩɣa ŋga kɛwɛ lɛɣtʋ siŋŋ yɔ. Ɛsɩba hasɩyaɖɛ fenaɣ taa kɛ evemiye yaa kɩyakʋ naalɛ (2) n̄ɩŋgʋ wiye kɛ pɩnaɣ 1977 n̄ɩŋga taa. Egeetiye nɖɩ ɖɩ-taa ɛsɩba yɔ, nɖɩ payaɣ size Lausanne kɛ Suwiisi ɛjaɖɛ tɛtʋ taa. Ɛsɩkaɣ lɛ, ɛɛwɛna pɩnzɩ hiŋ lʋbɛ nɛ lutozo (78) kɛ mbʋ yɔ.

Ɖajaa sɔsɔ Vladimir Vladimirovitch Nabokov kɛ tʋma sakɩyɛ laɖʋ. Ɛkɛ koowa maɖʋ, ɛtɛ ɛkɛ maɣzɩm takayasɩ kɩkalasɩ mayʋ, nɛ takayasɩ ndɩ ndɩ mayʋ sɔsɔ nɔɔyʋ. Ɛnʋ kɛna ɖɔɖɔ, nzʋlʋma lɛɛna taa lɩzɩyʋ yaa payaʋ size nzʋlʋma lɛɛna taa ɖɛzɩyʋ yɔ.

Ɖajaa sɔsɔ Vladimir kɛ ɖɔɖɔ, tɔm kɩmamatʋ tazɩyʋ. Ɛ-tɔma ana, a-kpeekpe payɩ mbɩ yɔ, Etaazuunii ɛjaɖɛ taa ɛlakɩyɛ, ɛlɛ, ɛkɛ Ruusi ɛjaɖɛ tɛtʋ taa pɩɣa. Iglɩsɩ ɛjaɖɛ tɛtʋ taa kɛ ɛlaba ɛtɛ tɔm kɩmamatʋ sukuli nɛ Fransɩɩ kʋnʋŋ taa. Pʋwayɩ lɛ ewolo ɛcaɣ Caama ɛjaɖɛ tɛtʋ taa kɛ pɩnzɩ hiu nɛ kagbanzɩ (15) mbɩ yɔ.

Ɖajaa sɔsɔ Vladimirovitch Nabokov ɛnɛ, pɩnaɣ 1940 n̄ɩŋga taa kɛ, ɛtala Amerika ɛjaɖɛ tɛtʋ taa, nɛ ɛ-maɣzɩm wɩlɩ-ɩ nɛ ɛta tamaɣ size ɛpɩsɩ Amerika ɛjaɖɛ tɛtʋ taa tʋ yaa nesi ɖʋyʋ ɖɔɖɔ kɛ Amerika ɛjaɖɛ wobɩnaʋ ɛsɩnda.