Fransɩɩ

Fransɩ ɛjɛɖɛ kɛna ɛjaɖɛ nɖɩ ɖɩwɛ Eerɔpɩ nɛ kɩ-wɩsɩ ɖʊyɛ taa kpem yɔ. Fransɩ tɛtʊ sɔsɔtʊ kɔyɔ Paarii nɛ kʊnʊŋ ŋgʊ pɔyɔɔdɩɣ yɔ lɛ fransɩ. Liidiye ndɩ pɔtɔkɩ yɔ ndɩ lɛ eeroo. Fransɩ kɩɖɑʊ kɛtɛɛka wɛna tɔlɩm naputozo nɛ pɩpɩɩ tibu yɔɔ. Tɔlɩm mbʊ mbʊ yɔ: pʊlɔɔ, kʊhʊlʊmʊm nɛ kɩsɛɛmɩm. Kpaɣnɛ pɩnzɩ 1950 lɛ Fransɩ ɛjaɖɛ kɛna ajɛya wena alɩzɩ Eerɔpɩ kpeekpe ajɛya kɩkpɛndɩɣ ŋgbɛyɛ yɔ nɛ ɖɩwɛ OTAN ŋgbɛyɛ taa ɖɔɖɔ. Pɩtɛkɛ piɖeke, ɛjaɖɛ nɖɩ ɖɩwɛ G7 taa, G20 taa, ajɛya wena atɔkɩ eero se liidiya yɔ a-taa, UNESCO taa ɖɔɖɔ nɛ aŋgba kɩkaŋ hɔɔlɩŋ ndɩ ndɩ taa ɖɔpɖɔ.

Keteŋa kpeekpe yɔɔ lɛ Fransɩ kɛŋna ɛjaɖɛ nɖɩ ɖɩwɛna ɖɔŋ sakɩyɛ kɛ lɛɛna yɔɔ yɔ: kɩwɛna ɖɔŋ kɛ ajɛya wena awɛ lɩŋgamɩŋ hɛkɩŋ taa yɔ, pɩnɛ ketenzi nasɩlɛ taa ɖɔɖɔ.

Fransɩ ɖʊʊ kɩ-nɔɔ kɛ keteŋa kpeekpe politiki tɔm taa nɛ paale lɛ, kɩwɛna sɔɔjanaa. Keteŋa  kpeekpe taa lɛ ɛjaɖɛ nɖɩ kɛna ɛjaɖɛ nɖɩ ɖɩkɩlɩ wɛnaʊ ɖɔŋ lɩŋgamɩŋ nɛ teŋunaa yɔɔ. Pɩtɩŋa pɩlɩna kɩ-tɛ politiki tɔm nɛ kɩ-tɛ tɔsʊʊ hʊʊ taa nɛ ɛzɩma kɩ-ta ɛyaa ndɩ ndɩ wɛɛ ɖɔɖɔ yɔ. Fransɩ wɛna ɖɔŋ sɔsɔŋ kpem ɖɔɖɔ politiki tɔm taa, tɔsʊʊ  taa, sɔɔjɛtʊ taa nɛ ɛsakuliye tɔm taa kɛ Eerɔpɩ nɛ keteŋa kpeekpe taa ɖɔɖɔ. 

Eerɔpɩ kpeekpe taa lɛ, pɩnaɣ 2014 taa lɛ, Fransɩ kɛŋna ɛjaɖɛ naatozo ñɩnɖɛ tɔsʊʊ hʊʊ taa; Caama nɛ Kewiyaɣ-kɩkpɛndaɣ ajɛya ɖeke ɖɛna Fransɩ yɔɔ.

 Fransɩ ɛjaɖɛ ñʊʊtʊ yɔ François Hollande nɛ komina  ñʊʊtʊ  yɔ Manuel Valls.