Rubisi (rubis)

Pɩlɩɩna Wikipediya
Ruby gem

Ñɩɣlɩm pɩyɛ naɖɩyɛ wɛɛ nɛ payaɣ-ɖɩ se rubisi (rubis). Ñɩɣlɩm pɩyɛ nɖɩ ɖɩsɛwa. Ñɩɣlɩm pɛ naayɛ wɛɛ nɛ payaɣ alɛ se korindɔɔ (corindon) waa. Ñɩɣlɩm pɩyɛ rubisi wɛ korindɔɔ ñɩɣlɩm pɛ pɩlɩʊ taa. Mbʊ payaɣ se kroom tɛ okisiidi (oxyde de chrome) yɔ piyekina nɛ rubisi ñɩɣlɩm pɛ wɛʊna tɔlɩm nabʊyʊ.

Ring Ruby

Payaɣ korindɔɔ ñɩɣlɩm pɛ lɛɛna se safiiri (saphirs). Nesi tɛɛ tʊmɩyɛ naɖɩyɛ wɛɛ nɛ payaɣ-ɖɩ se sowayerii (joaillerie). Ñɩɣlɩm pɛ wena palakɩ-yɛ nɛ tʊmɩyɛ peeye yɔ, a-taa lɛ, rubisi ñɩɣlɩm pɩyɛ kɛŋna mbʊ payaɣ se sɛɛmɩ (gemme) pɩyɛ yɔ. Ñɩɣlɩm pɛ ndɩ ndɩ tɩŋɛ taa lɛ, tiyamaɣ (diamant) ñɩɣlɩm pɩyɛ nɛ ñɩɣlɩm pɩyɛ ndɩ payaɣ se lɔnzɩdaleyiiti (lonsdaléite) nɛ ñɩɣlɩm pɩyɛ ndɩ payaɣ se mowasaniti (moissanite) yɔ pakɩlɩɣna leɖuu.

Rubis, calcite sous UV 2

Pɛpɛdɩɣ rubisi tɛtʊ ñɩɣlɩm pɩyɛ liidiye sɔsɔyɛ nabʊyʊ taa. Nabʊyʊ taa lɛ, pɛpɛdɩ-ɖɩ liidiye tooye pɩlɩɩna ɖɩ-wɛtʊ ndɩ ndɩ cɔlɔ. Nabʊyʊ taa lɛ ɖɩ-walanzɩ cɔlɔ pɩlɩɩna yaa ɖɩ-tɔlɩm cɔlɔ. Nabʊyʊ taa ɖɔɖɔ lɛ pɩlɩɩna ɖɩ tɛ cɩɖɩcɩɖɩ wɛtʊ cɔlɔ nɛ ɖɩ-kʊkʊyɩmɩŋ cɔlɔ. Papalɩɣ yaa pacatɩɣ nɛ palɩzɩɣ ribisi ñɩɣlɩm pɩyɛ nɖɩ yɔ ɖɩkɩlɩna ɖeu. Papalɩɣ nɛ palɩzɩɣ rubisi ñɩɣlɩm pɛ wena yɔ, yee atɔɖɔɔ kɔyɔ, awɛɣ liidiye pɩdɩɩfɛyɩ. Tiyamaɣ ñɩɣlɩm pɩyɛ tɔlɩm ñɩnɖɛ nɛ ñɩɣlɩm pɛ wena akɩlɩɣ ñɩlɩnzɩɣ yɔ akɩlɩna liidiye.

Corundum-260436