Lʊlʊʊ

Wezuu kpɛlɛkʊʊ tɔm taa lɛ, lʊlʊʊ kɛna lakasɩ nzɩ sɩ-yɔɔ pɩtɩŋʊna se mbʊ pifezuu yɔ pɩlɛɛzɩ pi-lone taa. Lʊlʊʊ pɩzʊ pɩwɛɛ awayɩ yem nɛ pɩtɛkɛ ɖenɖe pɩ-tɛ wonu kaawɛɛ yɔ. Pɩkɛna wɛtʊ ndʊ tɩ-yɔɔ pɩtɩŋgʊna nɛ puɖuu weziŋ nɔɔŋ yɔ. Ñɩnɩyaa nabayɩ cɔlɔ lɛ, pɔyɔɔdʊ lʊlʊʊ tɔm kɔyɔ, pɩtataana tɩŋ, pɩkɛna tɛtɛ wondu yaa ɛyaa tɔm. Ŋgʊ pɩtɛkɛ tɛtɛ kpɩna yaa ɛyaa ɖeke hʊkʊʊna. Lɛɛzɩtʊ ndɩ ndɩ ndʊ tɩwɛɛ yɔ, tɩwɩlʊ se ɛyaa, tɛtɛ k̂pɩna yaa tɛtɛ wondu, lɩm taa ñɩna ̀nɛ ɛsɔtaa ñɩna, laŋ nɛ ɩ-taa wondu ndɩ ndɩ hukuu yɔ, pɩwɛ ndɩ ndɩ.

Lʊlʊʊ wɛ nabʊlɛ taa. Kacalaɣ lɛ, wonu abalɩ ñɩŋgʊ nɛ halɩ ñɩŋgʊ pasʊʊ yaa pakpaɣ ɖama nɛ sɛzʊʊ tomnaɣ abalɩ ñɩŋga katɩ halɩ ñɩŋga nɛ pɛkpɛndɩ kʊɖʊm. Nabʊlɛ ñɩmbʊ kɛlɛ huu mbʊ pɩlakɩ nɛ pɩtɛkɛ sɛzʊʊ tomnaɣ nakɩyɩ katʊ nɛ lɛɛka yɔ. Pʊpɩu taa lɛ, hɛtʊ ɖeke kɛ heelim kpakʊ nɛ pʊtɔlʊ lɛɛtʊ yɔɔ. Cɩnɛ tɩʊ ŋgʊ kʊñɔʊ lɛɛkʊ lone taa yɔ, nabʊyʊ taa paawɛʊ kɩmaŋ.

Tɛtɛ kpɩna hʊʊ taa wɛ ndɩ ndɩ. Mukuliŋ naaʊ mbʊ yɔ, ɩ-taa halʊ yaa abalʊ fɛyɩ. Paa mukuluu ŋgʊ lɛ kɩwɛna sɛzʊʊ tomnasi nzɩ sɩ-naalɛ : abalɩ ñɩŋga nɛ halɩ ñɩŋga. Mukuliŋ kpaɣ ɖama lɛ, ɩnaalɛ ɩɖʊʊ hala. Tɛtɛ wonuu nakʊyʊ wɛna payaɣ-kʊ se fazim nɛ kɩ-tɛ huu wɛ ndɩ. Abalʊ ñɩŋgʊ nɛ halɩ ñɩŋgʊ pakpaɣ ɖama lɛ, abalʊ sɛzʊʊ tomnaɣ katɩɣ halʊ ñɩŋgʊ nɛ pɛkpɛndɩ kʊɖʊm nɛ hala kɔ nɛ atesi lɛ, halaa nɛ abalaa palɩɣ. Fazɩm kʊɖʊmʊ ŋgʊ, yee halɩ ñɩŋgʊ ɛɛkatɩɣ abalɩ ñɩŋgʊ kɔyɔ, kɩmaɣmaɣ kɩɖʊʊ kɩ-yalaa ɛlɛ wena atesu yɔ, atɩŋga akɛɣ halaa ɖeke.