Basile kiɖeɖeu Ɛsɔ kuduyuu sɔsɔʋ

Pɩlɩɩna Wikipediya

Ɛsɔ kuduyuu sɔsɔʋ ŋgʋ kɩ-tɛɛ payaɣ Pɛlɔ kele kele tʋ Maaria se ɛsɩna-ɖʋ yɔ payaɣna anasaayɩ taa size (Cathédrale de l'Intercession-de-la-Vierge). Kɩ-wɛna Rusii ɛjaɖɛ taa kiŋ. Patasaɣ payaɣ-kʋ ɖɔɖɔ size Basile Ɛsɔ kuduyuu sɔsɔʋ koboyaɣ n̄ɩŋgʋ (cathédrale Basile-le-Bienheureux) yaa Basile kiɖeɖeu (Saint-Basile) kɛ Rusii ɛjaɖɛ taa peeɖe.

Ɛsɔ kuduyuŋ ɛnɛ, ɛ-kɛ Ɛsɔ kuduyuŋ sɔsɔŋ kpem kɛ Moscou nɛ Rusii ajɛɛ. Ɛsɔ kuduyuu sɔsɔʋ kʋnɛ, kɩ-matʋ paɣza pɩnaɣ 1555 taa kɛnɛ. Nɛ pɛtɛma kɩmaʋ nɛ pɔtɔkɩ kʋ-nɔnɔsɩ tʋlʋʋ tɛ kasandʋ lɛ, pɩɩkɛ pɩnaɣ 1561 alɩwaatʋ taa kɛ mbɩ yɔ.

Ɛsɔ kuduyuu sɔsɔʋ kʋnɛ, kɩwɛ Moscou ɛjaɖɛ lone kɩsɛmɖɛ taa. Sɔnɔ lɛ, kuduyuu ŋgʋ, kɩkɛ kumoɖe nɖɩ pama-ɖɩ nɛ matʋ sɔsɔtʋ siŋŋ yɔ. Matʋ ndʋ, tɩ-kɛna Rusii ɛjaɖɛ tɛ sɔnzɩ taa matʋ ndʋ tɩkɩla ɖeu yɔ. Payaɣ N̄ʋʋ yaɖʋ Ɛsɔ kuduyuu sɔsɔʋ size Spasskaïa.

Ŋcɔŋna kuduyuu sɔsɔʋ ŋgʋ nɛ kɩ-wɩsɩ ɖɩlɩyɛ hɔɔlʋʋ taa kiŋ nɛ ŋkpaɣ nʋmɔʋ ŋgʋ kitikina Moskoza tɛtʋ taa, tendene kuluŋgulu naɖɩyɛ nɖɩ palaba-ɖɩ nɛ ɛyʋ nesi yɔɔ kiŋ kɔyɔ, ŋnaɣ Moscova tɛtʋ taa tʋ nesi tɛɛ tʋmlaɖʋ sɔsɔ nɔɔyʋ tʋma taa wena akɩlɩ ɖeu kpem yɔ a-taa naɖɩyɛ : nɖɩɩ payaɣna fransɩɩ kʋnʋŋ taa size : L'église de l'Intercession-de-la-Vierge-sur-le-Fossé. Ɛlɛ, yee paya-kʋ se Basile Koboyaɣ tʋ yɔ, ɛyaa kɩlɩɣ-kʋ sɩm yaa tɩlʋʋ kɛlɛʋ.

Ɛsɔ kuduyuu sɔsɔʋ ŋgʋ, payaɣ-kʋ ɖoŋ ɖoŋ yem size Basile kiɖeɖeu Ɛsɔ kuduyuu sɔsɔʋ. Mbʋ pʋyɔɔ yɔ, kɩwɛ Basile kiɖeɖeu koboyaɣ tʋ pɩlaʋ hɔɔlʋʋ taa kiŋ kɛ Ɛsɔ kɩlau layʋ kaŋ kɩ-n̄ɔtɩna Postnik Yakovlev egeetiye yɔ pɩnaɣ 1588 taa yɔ. Ɛlɛ, ɖɩtɩlɩ size yatʋ ndʋ, tɩ-taaɣ kɛdɩ yaa tɩ-taa wɛ ɖeu mbʋ pʋyɔɔ yɔ, yatʋ ndʋ tɩɩwɩlɩɣ tʋkaɣ keɣkeɣ kɛ Ɛsɔ dɔm hɔɔlʋʋ taa kɛ kiɖeɖeu nɛ koboyaɣ tʋ pɛhɛkʋ taa.