Mizigaanii

Pɩlɩɩna Wikipediya

Mizigaanii kɛna Etaazunii ɛjaɖɛ taa tɛtʊ cikpetʊ natʊyʊ. Nɛ Etazuunii ɛjaɖɛ ɖɩnɛ ɖɩ-taa lɛ ajɛya cikpena naayɛ nɩɩnɩwa kpɛndɩna nɛ aɖʊ nɔɔ nɛ awɛɛ ɛjaɖɛ kʊɖʊmɖɩyɛ taa kpaɩ. Etaazunii tɔbʊʊ nɛ kabɩyɛ taa se ajɛya kɩkpɛndʊʊ.

Tɛtʊ ndʊ tɩcɔ ɛjaɖɛ cikpeɖe ɖɩnɛ nɛ tɩta yɔ ndʊ yɔ: Wɩsɩ ɖɩlɩyɛ taa lɛ kujomuu ŋgʊ payaɣ-kʊ se Huranii yɔ, wɩsɩ ɖɩɖʊyɛ taa kiŋ lɛ Mizigaanii tɛ kujomuu nakʊyʊ, hadɛ kiŋ lɛ tɛtʊ ndʊ payaɣ-tʊ se ƐndiyanaaOhiyo yɔ tɩwɛna, kujomuu ŋgʊ payaɣ-kʊ se sɔsɔʊ yɔ kɩwɛna piyele nɛ hayʊ kiŋ lɛ Pɛnsilivaanii. Tɛtʊ ndʊ tɩcɔ ɛjaɖɛ ɖɩnɛ nɛ tɩta yɔ, pɩkɛna lɩm ɖeke.

Mizigaanii taa tɛtʊ sɔsɔtʊ payaɣ se Lansinii nɛ tɩ-taa ɖɔɖɔ kɛ ɛyaa kɩla ɖɔʊ nɛ ndʊ tɩ-taa ɛyaa kɩla ɖɔʊ yɔ ndʊ lɛ Detroit.

Pamaza Mizigaanii ɛjaɖɛ cikpeɖe ɖɩnɛ ɖɩ-walanzɩ taa lɛ, panaa se ɖɩ-walanzɩ talɩ ɛzɩ 250 941 km2 nɛ ɖenɖe tɛtʊ ñabɩ wɛɛ yɔ, peeɖe pɩtalʊʊ ɛzɩ 147 255 km2 yɔ nɛ ɖenɖe lɩm ñɛwɛɛ yɔ, peeɖe ñɛwɛʊ ɛzɩ 103687 km2 yɔ pʊtɔbʊʊ se pɩtalʊʊ ɛzɩ 41,30 yɔ kɛ mɩnɩʊ yɔɔ.

Ɛjaɖɛ ɖɩnɛ ɖɩkɛŋna 26 ñɩnɖɛ ɛyaa ɖɔʊ taa kɛ Etazuunii ajɛya kɩkpɛndʊʊ kpeekpe taa. Ɛlɛ pɩɩkɛ kɔlaɣ fenaɣ kɩyakʊ 26 ŋgʊ wiye pɩnaɣ 1837. Pɩnaɣ 2017 taa paakalɩ kɩgalʊʊ kɛ ɛjaɖɛ ɖɩnɛ ɖɩ-taa lɛ paana ɛyaa ɛzɩ 9 962 311 yɔ.

Payaɣ Mizigaanii ɛjaɖɛ cikpeɖe ɖɩnɛ ɖɩ-ñʊʊdʊ se Rick Snyder (R) piyele nɛ komina ñʊndinaa kɔyɔ: Gary Peters (D) nɛ Debbie Stabenow (D).

Kʊnʊŋ ŋgʊ pakɩlʊʊ yɔɔdʊʊ ɛjaɖɛ ɖɩnɛ ɖɩ-tɛ komina tʊma taa nɛ pawɩlʊʊ-kʊ sukulinaa taa ɖɔɖɔ yɔ, ŋgʊ lɛ Eŋgilisi. Ɛlɛ siŋŋŋ taa lɛ, komina maɣmaɣ tatɩɩ hada nɔɔ camɩyɛ se aŋgilisi kɛŋna kɩ-kʊnʊŋ.